அமைச்சர் மகன் மீது திமுக புகார்

சென்னை: வாக்குச்சாவடிகளைக் கைப்பற்ற முயன்றதாக அமைச்சர் வளர்மதியின் மகன் மூவேந்தன் மீது காவல்துறையில் திமுக சார்பில் புகார் அளிக்கப்பட்டுள்ளது. சென்னையில் உள்ள ஆயிரம் விளக்கு தொகுதியில் அதிமுக வேட்பாளராக களமிறங்கியுள்ளார் வளர்மதி. கடந்த 16ஆம் தேதி வாக்குப்பதிவு நடைபெற்றபோது இத்தொகுதிக்குட்பட்ட இரு வாக்குச்சாவடிகளை மூவேந்தன் தனது ஆதரவாளர்களுடன் சேர்ந்து கைப்பற்ற முயன்றதாக, இதே தொகுதிக்கான திமுக வேட்பாளர் கு.க.செல்வம் புகார் எழுப்பியுள்ளார். இதையடுத்து 14 பேர் மீது அவர் புகார் அளித்துள்ளார். அதன் பேரில் மூவேந்தனிடம் போலிசார் விசாரணை நடத்த உள்ளனர்.