முத்தமிழ் விழாவில் தமிழறிஞர் மணவை முஸ்தாபாவின் புதல்வர்

சிங்கப்பூர்த் தமிழ் எழுத்தாளர் கழகம் ஆண்டுதோறும் நடத்தும் முத்தமிழ் விழாவை இவ்வாண்டும் தமிழ் மொழி விழாவின் ஓர் அங்கமாகச் சிறப்பாகக் கொண்டாட ஏற்பாடு செய்துள்ளது. இம்மாதம் 29ஆம் தேதி சனிக் கிழமை மாலை 6.00 மணிக்கு உமறுப்புலவர் தமிழ் மொழி நிலையத்தில் முத்தமிழ் விழா நடைபெறும். தமிழ் மொழி கற்றல், வளர்ச்சிக் குழுவின் ஏற்பாட்டில் வளர் தமிழ் இயக்கத்தின் ஒருங்கிணைப்புடன் நடைபெறும் தமிழ் மொழி விழா வின் ஒரு பகுதியாக முத்தமிழ் விழா நடைபெறும். கலாசார, சமூக, இளையர் துறை மற்றும் வர்த்தக, தொழில் அமைச்சுகளின் மூத்த துணை அமைச்சர் சிம் ஆன் சிறப்பு விருந் தினராகக் கலந்து கொள்கிறார்.