உடற்பயிற்சி என்றாலே பொதுவாக நெடுந்தொலைவோட்டம், மெதுவோட்டம், நடைப்பயிற்சி ஆகியவற்றைப் பற்றித்தான் பலர் அதிகமாகப் பேசுவர். ஆனால், குறைந்த நேரத்தில் உடல் எடையைக் குறைக்க உதவும் ஒரு நடவடிக்கை 'ஸ்கிப்பிங்' எனும் கயிறு தாண்டுவது.
அவரவர் உடல் ஆரோக்கியத்திற்கு ஏற்றவாறு பல்வேறு கயிறு தாண்டும் உடற்பயிற்சி முறைகள் உள்ளன.
ஆரோக்கியமான உணவுப் பழக்கங்களுடன் கயிறு தாண்டுவதையும் சேர்த்துக்கொண்டால் உடல் எடையை சீராக வைத்துக்கொள்ளலாம்,் உடல் எடை அதிகம் கூடாமல் பார்த்துக்கொள்ளலாம்; உடல் எடையைக் குறைக்கவும் செய்யலாம்.
கயிறு தாண்டுவது எலும்புகளை வலுப்படுத்தும் ஒரு நடவடிக்கை. இதில் ஈடுபடும்போது ஒருவர் குதிப்பதால் தரையுடன் ஏற்படும் தொடர்பு எலும்புகளை வலுவாக வைத்திருக்க உதவுவதாகச் சொல்லப்படுகிறது.
'ஓஸ்டியோபொரோசிஸ்' எனும் எலும்புத் தேய்வு ஏற்பட்டோருக்கும் கயிறு தாண்டுவது உதவக்கூடும். இந்தப் பிரச்சினைக்கு ஆளானோருக்கு கயிறு தாண்டுவது பொதுவாக அபாயம் ஏதும் விளைவிக்காது. எனினும், வேறு சில மருத்துவப் பிரச்சினைகள் உள்ளவர்களுக்குப் பாதிப்பு ஏற்படலாம். மருத்துவரிடம் தெளிவுப்படுத்திக்கொள்வது நல்லது.
இரு கால்களையும் கொண்டு கயிறு தாண்டலாம் அல்லது ஒரு காலில் இந்நடவடிக்கையை மேற்கொள்ளலாம். ஒரு காலில் குதித்த பிறகு மற்றொரு காலைக் கொண்டு கயிறு தாண்டலாம்.
இரண்டு நிமிடங்கள் கயிறு தாண்டுவதுகூட உடல் எடையைக் குறைக்க உதவலாம். எத்தனை முறை கயிறு தாண்டுகிறோம் என்பதைப் பொறுத்தது இது.
medicalnewstoday.com எனும் சுகாதார இணையத்தளத்தில் இருந்த விவரங்களைக் கொண்டு இந்தத் தகவல்கள் குறிப்பிடப்பட்டுள்ளன.
உங்கள் மருத்துவர் அல்லது சுகாதார நிபுணரின் ஆலோசனையைக் கேட்டு இத்தகைய நடவடிக்கைகளை மேற்கொள்வது நல்லது.