சாக்லெட்டை விரும்பாதோர் அதிகம் இருக்க வாய்ப்பில்லை. சிறுவர் முதல் பெரியவர்கள் வரை பலர் சாக்லெட் மோகம் கொண்டவர்களே. விழாக்காலங்களுக்கும் பிறந்த நாள்களுக்கும் பல வகை சாக்லெட்டுகளை வழங்குவது வழக்கம்.
எனினும், பொதுவாக ஆரோக்கியம் என்ற வார்த்தைக்கும் சாக்லெட்டுக்கும் அதிகத் தொடர்பு கிடையாது. இதற்கு விதிவிலக்கு, 'டார்க் சாக்லெட்' எனப்படும் கறுப்பு சாக்லெட்.
இதன் பழுப்பு நிறம் சற்று தூக்கலாக இருக்கும். இனிப்பும் குறைவு. சற்று கசக்கவும் செய்யும். ஆனால், இதை விரும்பி உண்பவர்களும் அதிகமாக இருக்கவே செய்கின்றனர். கறுப்பு சாக்லெட் தரக்கூடிய நற்பலன்களை விவரிக்கிறது eatingwell.com இணையத்தளம்.
• இதய ஆரோக்கியத்தை மேம்படுத்தும்
ஓர் அவுன்ஸ் அளவு கறுப்பு சாக்லெட்டை ஒரு வாரத்திற்கு மூன்றிலிருந்து ஆறு முறை உண்டால் இதயத்தின் ஆரோக்கியம் மேம்படும் என்று 'அமெரிக்கன் ஹார்ட் ஜர்னல்' மருத்துவ சஞ்சிகை மேற்கொண்ட ஆய்வில் தெரியவந்துள்ளது.
• ரத்த அழுத்தம் குறையும்
தினந்தோறும் கறுப்பு சாக்லெட்டை அளவோடு உண்பவர்களுக்கு ரத்த அழுத்தம் குயைலாம் என்று ஆய்வாளர்கள் கூறுகின்றனர்.
• நீரிழிவு நோய் வரும்
வாய்ப்புகள் குறையும்
ஒரு வாரத்திற்கு இரண்டரை அவுன்ஸ் கறுப்பு சாக்லெட்டை உண்பது நீரிழிவு நோய் வரும் அபாயத்தை 10 விழுக்காடு குறைப்பதாக 2018ஆம் மேற்கொள்ளப்பட்ட ஓர் ஆய்வு தெரிவித்தது.
• மூளை செயல்பாடு மேம்படும்
கறுப்பு சாக்லெட்டை வாரத்திற்கு ஒரு முறையாவது உட்கொண்ட மூத்தோரிடையே மூளை செயல்பாடு மேம்பட்டதாக சில ஆய்வுகள் குறிப்பிடுகின்றன.
இதன் தொடர்பில் மருத்துவர்கள் அல்லது சுகாதாரத்துறை நிபுணர்களின் ஆலோசனையைக் கேட்டறிவது நல்லது.