வயதாகும்போது சாதாரணமாகவே உடலுழைப்பு குறைந்துவிடுகிறது. உறுப்புகள் வேலை செய்வது குறைந்துவிடுகிறது. இதனால் உடல்நலக்குறைவு ஏற்படுகிறது. சிலருக்கு இதனால் மன அழுத்தமும் ஏற்படுகிறது. பெரும்பாலும் வயதானவர்கள் ஓய்வில் இருப்பதால் பலவற்றைப் பற்றி சிந்திக்கின்றனர். இதன் காரணமாகவும் உடலும் மனமும் பாதிக்கப்படலாம்.
உடல் உறுப்புகளை சுறுசுறுப்பாக வைக்க சிறிது உடற்பயிற்சி செய்ய வேண்டும் என மருத்துவர்கள் கூறுவதுண்டு.
ஆனால், பெண்களுக்கு ஓர் எளிய வழி இருக்கிறது. வீட்டைப் பராமரிக்கும் வேலை செய்தாலே போதும் உடல்நலக்குறைவு ஏற்படாது, இதய பாதிப்பு ஏற்படுவது குறைவு என்று ஓர் ஆய்வு கூறுகிறது.
வீட்டுத் தோட்டத்தைப் பராமரிப்பது, சமையல் செய்வது, வீட்டை அழகுபடுத்துவது, தம்மை அழகுபடுத்திக்கொள்வது போன்ற செயல்களில் ஈடுபடும் பெண்களின் மன
நலன் மேம்படுகிறது என்றும் இதனால் அவர்களுக்கு இதய பாதிப்புகள் ஏற்படுவது குறைவு என்றும் இந்த ஆய்வு தெரிவிக்கின்றது.
ஆய்வின் முடிவுகள் 'ஜர்னல் ஆஃப் தி அமெரிக்கன் ஹார்ட் அசோசியேஷன்' சஞ்சிகையில் வெளியிடப்பட்டுள்ளன.
கலிஃபோர்னியா சான் டியாகோ பல்கலைக்கழக ஆராய்ச்சியாளர்கள் தலைமையிலான குழு இந்த ஆய்வை நடத்தியது.
வீட்டில் ஒரு நாளைக்கு 4 மணிநேரம் வேலையில் ஈடுபடும் பெண்களுக்கு இதய நோய் ஆபத்து 43% குறைவு, ரத்தக்குழாய் சார்ந்த இதய நோய் ஆபத்து 43% குறைவு, பக்கவாத ஆபத்து 30% குறைவு, இதய நோயால் நிகழும் உயிரிழப்புக்கான வாய்ப்பு 62% குறைவு என ஆய்வா ளர்கள் தெரிவிக்கின்றனர்.