புத்தாக்க எண்ணங்களுடன் தமிழி சையைக் கற்று படைக்க விரும்பும் இளைஞர்களுக்காக வளர்தமிழ் இயக்கம் ஏற்பாட்டில் நடக்கும் 'தமிழ்மொழி விழா 2022'ன் ஒரு பகுதியாக 'பிக்ஸ்பிட்' நிறுவனம், இம்மாதம் 15ஆம் தேதி பிற்பகல் 2 முதல் 4 மணி வரை இணையத் தளங்களின் வழியாக இசைபட/ பாட எனும் மெய்நிகர் நிகழ்ச்சியை அரங்கேற்றியது.
தமிழ்மொழி கற்றல் வளர்ச்சிக் குழுவின் ஆதரவில் இந்த நிகழ்ச்சி இடம்பெற்றது.
நிகழ்ச்சியின் சிறப்பு விருந்தினர் குமாரி மோகன் பாபு. தாய்மொழி கற்றல் அவசியத்தையும் நிலவுக்கு தான் அனுப்பிய கலைப் படைப்புகள் பற்றியும் தெளிவாக எடுத்துரைத்தார்.
திருமதி. ராஜி ஸ்ரீனிவாசன் தமிழிசையின் தொன்மை பற்றிப் பகிர்ந்துகொண்டார்.
இந்நிகழ்ச்சியில் தமிழ் நாட்டி லிருந்து முனைவர் வளப்பக்குடி வீர ஷங்கர் நாட்டுப்புறப் பாடல்களில் தமிழ் தொடக்கம் எந்த அளவுக்கு வேரூன்றி இருக்கிறது என்பதைப் பற்றி எளிமையாகப் பாடி முறையாக விளக்கினார்.
தமிழ் திரைப்படங்களில் சுமார் 40 வருட இசை அனுபவமிக்க விஜய் சங்கர், வெற்றி பெறும் பாடல்களை இசையமைக்கும் வழிமுறைகளை பகிர்ந்து கொண்டார்.
தேசிய தொடக்கக் கல்லூரி மாணவர்கள் தேஜஸ்வினி மற்றும் கநேசானந்த கீர்த்தி (கே.ஏ) கணினி இசையில் தமிழ் மொழி பயன்பாடு பற்றி கற்றதையும் அதன் மூலம் பெற்ற அனுபவங்களையும் பற்றி தெளிவாக விளக்கினார்.
சி. குணசேகரன், சேம்சங் மற்றும் 'பிரைன்ஸ்டோர்ம்ஸ்' நிறுவனங்களுடன் இணைந்து 5G தொழில்நுட்பம் வழி 'SwarShala' மென்பொருள் வழி தமிழிசை உருவாக்கும் முறைகளை எடுத்துக் கூறினார்.
இந்நிகழ்ச்சியின் தொடர்ச்சியாக புத்தாக்கத்துடன் உருவாக்கும் திட்டங்களைத் தெளிவாக விவரித்து எழுதுவோருக்கு பரிசு அறிவிக்கப்பட்டுள்ளது.
தமிழ்மொழி மாதம் 2022 சார்பில் நடந்த இசை பட/ பாட மெய்நிகர் நிகழ்ச்சியை https://www.youtube.com/watch?v=migRgIDTDas என்ற தொடர்பு வழியாகப் பார்த்து சுமார் 100 வார்த்தைகளுக்குள் தமிழ் இசைப் படைப்புகளை புத்தாக்கத்துடன் உருவாக்கும் திட்டங்களை கீழே கொடுக்கப்பட்டுள்ள தளத்தில் தெளிவாக விவரித்து எழுத வேண்டும். https://forms.gle/EvhqhTwNc EujyyBb6 இதில் 12 முதல் 18 வயதுக்கு உட்பட்ட சிங்கப்பூர் மாணவர்கள் கலந்து கொள்ளலாம்.
சிறப்பான திட்டங்களுக்கு மதிப்புமிக்க பரிசுகள் காத்திருக்கின்றன.
மேல்விவரங்களுக்கு: guna@pixibit.com.sg, சி.குணசேகரன் 96601051. போட்டி விதிமுறைகளுக்கு உட்பட்டது. உங்கள் படைப்புகளை அனுப்ப வேண்டிய இறுதி நாள் ஏப்ரல் 27.