மாணவர் முரசு
இ-பேப்பர்
மலேசியாவின் முன்னைய பிரதமர் டாக்டர் மகாதீர் முகமது வெள்ளிக்கிழமை (ஜனவரி 7) அன்று மருத்துவமனையில் அனுமதிக்கப்பட்டிருக்கிறார்.
96 வயது டாக்டர் மகாதீர் கடைசியாக மூன்று வாரங்களுக்கு முன்னர்தான் மருத்துவமனையில் அனுமதிக்கப்பட்டார்.
அவருக்கு விருப்பத்தெரிவின் பேரில் மருத்துவ சிகிச்சை ஒன்று மேற்கொள்ளப்படும் என்று தேசிய இதயநோய் சிகிச்சை நிலையம் தெரிவித்தது.
வேறு விவரங்களை நிலையம் அளிக்கவில்லை.
டாக்டர் மகாதீர் கடைசியாக, கடந்த டிசம்பர் 16ஆம் தேதி தேசிய இதயநோய் சிகிச்சை நிலையத்தில் அனுமதிக்கப்பட்டார்.
ஒரு வாரத்துக்குப் பின்னர் அவர் வீடு திரும்பினார்.
இதயநோய் பிரச்சினை உள்ள டாக்டர் மகாதீருக்கு மூன்று முறை இதய அறுவை சிகிச்சை செய்யப்பட்டுள்ளது.
