மாணவர் முரசு
இ-பேப்பர்
மலேசியாவின் முன்னைய பிரதமர் மகாதீர் முகமது, அந்நாட்டின் தேசிய இதய சிகிச்சை நிலையத்தில் அனுமதிக்கப் பட்டுள்ளார்.
அவர் வியாழக்கிழமை (டிசம்பர் 16) மாலை நிலையத்தில் அனுமதிக்கப்பட்டதாகவும் அவருக்கு மருத்துவப் பரிசோதனைகள் நடத்தப்பட்டு வருவதாகவும் நிலையம் கூறியது.
அடுத்த சில நாள்களில் அந்தப் பரிசோதனைகள் முடிவுறும் என்றும் அது வெள்ளிக்கிழமை (டிசம்பர் 17) அன்று குறிப்பிட்டது.
அதுவரை அவர் நிலையத்தில் தங்கியிருப்பார் என்றும் விருந்தினர்கள் யாருக்கும் அனுமதி இல்லை என்றும் கூறப்பட்டது.
டாக்டர் மகாதீருக்கு மூன்று முறை மாரடைப்பு ஏற்பட்டு அறுவை சிகிச்சை மேற்கொண்டுள்ளார்.
மலேசியாவில் 24 ஆண்டுகளாக பிரதமர் பதவியை வகித்த அவருக்கு 96 வயது ஆகிறது.
டாக்டர் மகாதீர் பக்கத்தான் ஹரப்பான் கூட்டணிக்குத் தலைமை ஏற்று, கடைசியாக 2018 முதல் 2020 வரை மலேசியப் பிரதமராகப் பொறுப்பேற்றார்.
