தம்மையும் ஃபிட்ரியா எனப்படும் வேறொரு வீட்டுப் பணிப்பெண்ணையும் அடித்து, உதைத்து பலவாறாகத் துன்புறுத்தியதாக மியன்மாரைச் சேர்ந்த திருவாட்டி மோ மோ தான், 27, தான் முன்பு பணியாற்றி வந்த வீட்டின் முதலாளி மீது குற்றம் சாட்டியுள்ளார். தகவல் தொழில்நுட்ப நிறுவனத்தில் மேலாளராக இருக்கும் டே வீ கியட், 38, பணிப்பெண்களை உதைத்துத் தள்ளியதில் கண்ணாடிச் சட்டத்தில் இடித்து கீழே விழுந்ததாக திருவாட்டி மோ கூறியுள்ளார்.
மேலும் ஃபிட்ரியாவையும் தம்மையும் மாறி மாறி 10 தடவை கன்னத்தில் அறைந்துகொள்ளச் சொன்ன துடன் கிறிஸ்துவரான தங்களிருவரையும் டே வழிபடும் பூஜை மாடத்தின் முன்பு வழிபடச்சொன்னதாகவும் மோ கூறியுள்ளார். முதலாளிகள் கூறியதைக் கேளாவிடில் உண வளிக்கமாட்டார்கள் என்ற அச்சத்தில் அவர்கள் சொன் னதை எல்லாம் செய்ததாகச் சொன்னார் மோன். டே மீது மொத்தம் 23 குற்றச்சாட்டுகள் சுமத்தப்பட்டுள்ளன.