பெசடேனா: கோப்பா அமெரிக்கா காற்பந்துப் போட்டியின் காலி றுதிக்குத் தகுதி பெறும் முதல் குழு என்னும் பெருமையை கொலம்பியா தனக்குச் சொந்த மாக்கிக் கொண்டுள்ளது. பராகுவே அணிக்கு எதிரான ஆட்டத்தில் அது 2-1 எனும் கோல் கணக்கில் வாகை சூடி காலிறுதி வாய்ப்பை உறுதி செய்தது. பராகுவேவுக்கு எதிரான இந்த 'ஏ' பிரிவு ஆட்டத்தில் கொலம்பி யாவின் வெற்றிக்கு கார்லோஸ் பக்கா, ஜேம்ஸ் ரோட்ரிகு வேஸ் ஆகியோரின் கோல்கள் வித்தி ட்டன. ஏசி மிலானுக்கும் விளை யாடி வரும் பக்கா ஆட்டத்தின் 12வது நிமிடத்தில் கோல் போட்டார்.
அவர் தலையால் முட்டிய பந்து வலையைத் தொட்டது. முன்னிலை பெற்ற குதூகலத்துடன் தொடர்ந்து தாக்குதல்களை நடத்திய கொலம்பியா பிற்பாதியில் தனது இரண்டாவது கோலைப் போட்டது. இம்முறை ரியால் மட்ரிட் குழுவின் நட்சத்திர வீரர் ஜேம்ஸ் ரோட்ரிகுவேஸ் அனுப்பிய பந்து பராகுவே கோல்காப்பாளரைக் கடந்து சென்று கோலானது. ஆட்டத்தின் 71வது நிமிடத்தில் விக்டர் ஆயாலா மூலம் பராகுவே கோல் போட்டபோதிலும் அதனால் இறுதி வரை ஆட்டத்தைச் சமன் செய்ய முடியாமல் போனது. 'ஏ' பிரிவில் இதுவரை ஒருமுறை கூட தோல்வியைத் தழுவாத கொலம்பியா வாரயிறுதி யில் கோஸ்டா ரிக்காவைச் சந்திக்கிறது. முதல் ஆட்டத்தில் உபசரணை நாடான அமெரிக் காவை கொலம்பியா 2-0 எனும் கோல் கணக்கில் வீழ்த்தியது குறிப்பிடத்தக்கது.
பராகுவே கோல்காப்பாளர் ஜுஸ்டோ வில்லாரைப் (வலது) புயல் வேகத்தில் கடந்து செல்லும்கொலம்பியாவின் கார்லோஸ் பக்கா (நடுவில்). படம் ஏஎஃப்பி