வில்சன் சைலஸ்
சிங்கப்பூரில் வேலை செய்யும் 33 வயது பிரபு சுப்ரமணியன் இங்கு வருவதற்கு முன்னர் மலேசியாவில் ஐந்து ஆண்டுகள் பணிபுரிந்தார். அப்போது மலேசியாவைச் சுற்றிப்பார்க்கவேண்டும் என்ற அவரது ஆசை வேலை காரணமாக நிறைவேறவில்லை. அந்த ஆசையை அண்மையில் பூர்த்தி செய்து வைத்தது வெளிநாட்டு ஊழியர்களுக்கான வெஸ்ட்லைட் தங்கும் விடுதி. வெஸ்ட்லைட் தங்கும் விடுதியின் வெளிநாட்டு ஊழியர் களுடன் சீனப் புத்தாண்டு விடுமுறையை மலேசியாவில் கழித்தவர்களுள் பிரபுவும் ஒருவர்.
இந்தியா, பங்களாதேஷ், சீனா போன்ற நாடுகளைச் சேர்ந்த சுமார் 250 ஊழியர்களை மலேசியா அழைத்துச் சென்றது வெஸ்ட்லைட். வெஸ்ட்லைட், தோ குவான், மண்டாய், ஊட்லன்ட்ஸ், துவாஸ் என மொத்தம் ஐந்து தங்கும் விடுதிகளைச் செயல்படுத்தி வரும் வெஸ்ட்லைட் தங்கும் விடுதி, இரண்டாவது ஆண்டாக இந்தச் சுற்றுப்பயணத்தை ஏற்பாடு செய்தது.
கோலாலம்பூரில் பயணத்தில் குதூகலித்திருக்கும் வெளிநாட்டு ஊழியர்கள். படம்: வெஸ்ட்லைட்