மூப்படைந்து வரும் நாட்டுக்குரிய தொழில்நுட்பம்: ஜப்பான் தரும் படிப்பினை

மூப்படைந்துவரும் மக்கட்தொகையைக் கொண்ட ஜப்பான், புதிய தொழில்நுட்பம் மூலம் உருவாக்கியிருக்கும் புதிய தொழில்துறை மூத்த குடிமக்களுக்கும் இயலாதவர்களுக்கும் உதவும் செயல்முறைகளை அறிமுகப்படுத்தியுள்ளது. இதன் மூலம் அனைவரும் தங்களுக்குப் பிடித்த விளையாட்டுகளை விளையாடி, உடற்பயிற்சியில் ஈடுபட்டு, ஒவ்வொருவருடன் பிணைப்பை வலுப்படுத்திக் கொள்கின்றனர்.

இந்தப் புதிய தொழில்நுட்பம் கற்றுத்தரும் படிப்பினைகளை சிங்கப்பூரும் பெற்றிருக்க வேண்டும் என்று ஜப்பானுக்கு அரசுபூர்வ பயணம் மேற்கொண்டிருக்கும் அதிபர் டோனி டான் கெங் யாம் கூறியுள்ளார். அதிபர் நேற்று தோக்கியோவில் உள்ள 40,000 சதுர மீட்டர் பரப்பளவு கொண்ட 'மிரைக்கான்' எதிர்கால அரும் பொருளகத்தைப் பார்வையிட்டார். அங்குள்ள பல அரிய அறிவுசார்ந்த காட்சிப் பொருட்கள் சிங்கப்பூருக்கும் பயனுள்ள தாக அமையலாம் என்றும் அதிபர் டான் கருத்துரைத்தார்.