கனடாவில் பயிற்சி: சிங்கப்பூர் குடியரசு ஆகாயப் படை பங்கெடுப்பு

கனடா, பிரான்ஸ், பிரிட்டன், அமெரிக்கா ஆகிய நாடு களுடன் பெரிய அளவிலான பலதரப்பு விமான போர் பயிற்சியில் சிங்கப்பூர் குடியரசு ஆகாயப் படை கலந்து கொண்டிருப்பதாக தற்காப்பு அமைச்சு நேற்று தெரிவித்தது. கனடாவின் ஆகாயப் படை ஏற்று நடத்தும் ‘எக்சர்சைஸ் மாபிள் ஃபிளாக்’ என்ற அந்தப் பயிற்சி சென்ற திங்கட்கிழமை தொடங்கியது. கனடாவில் அல்பர்ட்டா மாநிலத்தில் உள்ள கனடா ஆகாயப் படையின் கோல்டு லேக் தளத்தில் பயிற்சி நடக்கிறது.

சிங்கப்பூர், கனடா, பிரான்ஸ், பிரிட்டன், அமெரிக்கா ஆகிய நாடுகளின் ஆகாயப் படைகளைச் சேர்ந்த 60க்கும் மேற்பட்ட விமானங்களும் சுமார் 2,000 வீரார்களும் இந்த ஆண்டு பயிற்சியில் கலந்துகொள்கிறார்கள். பயிற்சி வெள்ளிக்கிழமை முடிவடையும். சிங்கப்பூர் குடியரசு ஆகாயப் படையின் எட்டு F-16C/D போர் விமானங்களும் அமெரிக்காவின் அரிசோனா மாநிலத்தில் உள்ள அதன் பீஸ் கார்வின் II அணியைச் சேர்ந்த சுமார் 100 வீரர்களும் பயிற்சியில் பங்கெடுத்துக்கொள்கிறார்கள். சிங்கப்பூர் ஆகாயப் படை குழு, இதர படைகளுடன் சேர்ந்து செயல்பட்டு தன்னுடைய ஆற்றலை வளர்த்துக் கொள்ளும் என்று தற்காப்பு அமைச்சு தெரிவித்துள்ளது.

இப்பகுதியில் மேலும் செய்திகள்

பலர் இணையப்பக்கம் வழியாக விசா பெறுவதற்கு கூடுதல் கட்டணம் செலுத்துகின்றனர்; சிலர் கட்டணம் செலுத்திய பிறகு அவர்களுக்கு விசா கிடைப்பதில்லை. விசாரித்தால் அவர்களது விண்ணப்பம் நிராகரிக்கப்பட்டதாகக் கூறப்படும். சிங்கப்பூரிலும் இதுபோன்ற மோசடிகள் நடைபெறுகின்றன.

15 Oct 2019

விசா எடுக்க வேண்டுமா? ஏமாறாமல் இருக்க எச்சரிக்கை அவசியம்

கிட்டத்தட்ட 44,000க்கும் மேற்பட்ட உறுப்பினர்களைக் கொண்ட உரையாடல் குழுவில் செயலிமூலம் ஆபாசப் படங்களும் பெண்களின் பாவாடைக்குள் எடுக்கப்பட்ட காணொளிகளும் பகிரப்பட்டன. படம்: சிங்கப்பூர் போலிஸ் படை

15 Oct 2019

செயலிமூலம் ஆபாசத் தகவல்களைப் பகிர்ந்த நால்வரில் இருவர் பதின்ம வயதினர்

சிங்கப்பூரர்கள் திருமணம் செய்து கொள்ளவும் குழந்தைகள் பெற்றுக்கொள்ளவும் ஊக்குவிக்கும் பரந்த தொகுப்பின் ஒரு பகுதியாக இந்நடவடிக்கை அறிவிக்கப்பட்டது. படம்: கோப்புப்படம்

15 Oct 2019

இவ்வாண்டு பிறந்த குழந்தைகளுக்கும் முதல் கடப்பிதழ் இலவசம்