சுடச் சுடச் செய்திகள்

தெங்காவில் 20% நிலப்பகுதியில் பசுமை: கார்கள் இல்லாத புது நகர மையம் அமையும்

சிங்­கப்­பூ­ரில் புதி­தாக அமை­ய­விருக்­கும் தெங்கா குடி­யி­ருப்புப் பகு­தி­யில் சுமார் 20 விழுக்­காட்டு இடம் பசுமைப் பகு­தி­யாக இருக்­கும் என்று வீட­மைப்பு வளர்ச்­சிக் கழ­கம் அறி­வித்து இருக்­கிறது.

அங்கு அமை­யும் புதிய ‘பார்க்’ என்ற வட்­டா­ரத்­தில் ஊசி­யி­லைக்­காட்டை கருப்­பொ­ரு­ளா­கக் கொண்ட சிறார் விளை­யாட்டு திடல்­கள், மத்­திய பூங்கா என்று வர்­ணிக்­கப்­படும் பசுமை பகுதி, 1.5 கி.மீ. நீள ஊசி­யி­லைக்­காட்டுப் பாதை ஆகிய பல­வும் சிறப்பாக அமைந்து இருக்­கும்.

இந்­தப் பாதை அங்கு இடம்­பெறும் பல்­வேறு குடி­யி­ருப்பு புளோக்கு­களை இணைக்­கும்.

சிங்­கப்­பூ­ரின் ஆகப்­ பு­திய குடி­யி­ருப்புப் பேட்­டை­யாக தெங்கா உரு­வா­கிறது. அந்­தப் பேட்­டை­யில் ஐந்து வட்­டா­ரங்­களை அமைக்­கத் திட்­ட­மி­டப்­பட்டு இருக்­கிறது. அவற்­றில் ‘பார்க்’ என்­பது மூன்­றா­வது வட்­டா­ர­மா­கும்.

பெயரே ‘பார்க்’ (பூங்கா) என்று இருப்­ப­தால் இப்­ப­கு­தி­யில் பசுமை மண்­டி­யி­ருக்­கும். மக்­க­ளுக்குப் பூங்கா போன்ற சூழலை இது உரு­வாக்­கித் தரும். நகர மையத்­தை­யும் இதர பகு­தி­களையும் இந்­தப் பார்க் வட்­டா­ரம் மிக­வும் வச­தி­யாக இணைக்­கும்.

700 ஹெக்­டர் பரப்­ப­ள­வில் அமை­யும் தெங்கா காட்டு நகர்ப் பகுதி ஏறக்­கு­றைய பீஷான் அளவுக்குப் பரந்து இருக்­கும்.

தெங்­கா­வில் சுமார் 20 விழுக்­காட்டுப் பகுதி பசு­மைக்­காக ஒதுக்­கப்­படும். தெங்­கா­வில் உரு­வாக்­கப்­படும் ஐந்து வட்­டா­ரங்­களும் மக்­கள் இயற்­கை­யோடு ஒன்றி வசிக்­கும் வகை­யில் வடி­வ­மைக்­கப்­படும்.

மக்­க­ளின் ஒட்­டு­மொத்த நல்­வாழ்வை அந்த வடி­வ­மைப்­பு­கள் மேம்­ப­டுத்­தும். சிறந்த உடல்­ந­லத்­தை­யும் பசு­மைச் சூழ­லை­யும் அந்த வட்­டா­ரம் பலப்­ப­டுத்­தும் என்று கழகம் குறிப்­பிட்டு இருக்­கிறது.

பார்க் வட்­டா­ரம் சுமார் 104 ஹெக்­டர் பரப்­ப­ள­வில் இருக்­கும். அங்­கு­தான் கார்­கள் இல்­லாத தெங்கா நகர மையம் அமை­யும். தெங்­கா­வின் பசுமை மைய­மா­கத் திக­ழ­வி­ருக்­கின்ற ‘மத்­திய பூங்­கா­வில்’ தாவர வளம் மண்டியிருக்­கும்.

அங்கு காட்டு நீரோடை ஒன்­றும் அமை­யும். சுற்­றுச்­சூ­ழல் தொடர்பு­களைப் பலப்­ப­டுத்­தும் வகை­யில் பூங்­காக்­க­ளை­யும் பசுமை இடங்­க­ளை­யும் உரு­வாக்­கும் நோக்­கத்­தில் இந்­தக் கழ­கம் தேசிய பூங்கா கழகத்­து­டன் சேர்ந்து செயல்­பட்டு வரு­கிறது.

புதி­ய 1.5 கி.மீ. நீள ஊசி­யிலைக்­காட்­டுப் பாதை பல்­வேறு புளோக்­கு­க­ளை­யும் இணைக்­கும். மக்­கள் அதன் வழி­யாக மத்­திய பூங்கா பகு­திக்­குச் செல்­ல­லாம்.

தெங்கா நகரை சுற்­றி­லும் அமை­யும் 15 மீ. முதல் 20 மீ. வரை அக­லம் உள்ள காட்டுப் பகு­தி­யை­யும் அவர்கள் அந்த வழி மூலம் எட்­ட­லாம். இந்­தப் பாதை நெடு­கி­லும் சிறார் விளை­யாட்­டுத் திடல்­கள், உட­லு­றுதி நிலை­யங்­கள், திறந்­த­வெளி பசுமை இடங்­கள், மக்­கள் அமர்ந்து பொழு­து­போக்கும் இடங்­களும் இருக்­கும். இந்­தப் பாதைக்கு இணை­யாக 100 மீ. அக­லம், 5 கி.மீ. நீளம் உள்ள காட்டுப் பாதை ஒன்­றும் செல்­லும்.

அது தெங்­காவை பக்­கத்­தில் உள்ள மேற்கு மற்­றும் மத்­திய நீர்த்­தேக்­கப் பகு­தி­க­ளுக்கு இடைப்­பட்ட பசுமை கட்­ட­மைப்­பு­டன் இணைக்­கும். தாவரம் மற்றும் தோட்டப் பண்ணைகளுக்கான ஏற்பாடும் இருக்கின்றன. இவை தெங்காவின் இதர இரண்டு வட்டாரங்களின் விரிவாக்கங்களாக அமையும்.

அந்தப் பண்ணைகள் சராசரியாக 600 மீ. நீளமும் 40 மீ. அகலமும் இருக்கும். இவை ‘பார்க்’ வட்டாரம் ஊடே அமைந்திருக்கும்.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு $4.90 மட்டுமே!
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை வாசிக்க... >>
தடையற்ற சேவைக்கு சந்தாதாரராகுங்கள். TM Icon