கொவிட்-19 கிருமித்தொற்று உலகத்தையே உலுக்கிவிட்டது.
தற்போதைய நடைமுறை வாழ்க்கையில் நாம் பல மாற்றங்களுடன் வாழும் கட்டாயத்தில் உள்ளோம்.
பழக்கப்பட்ட வியாபாரங்கள், வேலைகள் சில மறைந்துவிட்ட நிலையில் புதிய அணுகுமுறையுடன் செயல்படும் போக்கு உருவாகும்.
சில தொழில் துறைகள் மற்றவற்றைவிட அதிக பாதிப்பைச் சந்தித்து உள்ளன.
ஆனால் அரசாங்கத்தின் வேலை ஆதரவுத் திட்டங்களின் வழி, வேலை தேடுவோர் மாற்று துறைகளில் புதிய வேலை வாய்ப்புகளைத் தேடிச் செல்லலாம்.
தற்போதைய சூழலில் தங்களுக்கு ஏற்ற வேலையைத் தேட சிலர் சிரமங்களை எதிர்கொள்ளலாம். இதனால் மனம் தளர வேண்டிய அவசியமில்லை.
எதிர்பார்ப்புகளை சரிப்படுத்தி, ஏதாவது வித்தியாசமான அல்லது பழக்கமில்லாத பாதையை தேர்ந்தெடுக்கும்போது, உங்களது திறன்களை மேம்படுத்திக்கொள்ள அல்லது மாற்று திறன்களைப் பெற எடுக்கும் முதல் படி அதுவாகும்.
அப்பாதையில் பயணிக்க, புதிய வேலை வாய்ப்புகளும் தோன்றும்.
விடாமுயற்சியுடன் ஆக்கபூர்வ மான சிந்தனையை நிலைநாட்டி, இப்பாதையை மேற்கொள்ள விரும்புவோருடன் அரசாங்கமும் இணைந்து பயணிக்கும்.
வேலை ஆதரவு உதவித் திட்டங்கள் மற்றும் சேவைகள் வழி, சிங்கப்பூரர்கள் தங்கள் திறன்களை மேம்படுத்துவதற்கான பயிற்சி பெற அரசாங்கம் போதிய வாய்ப்புகளை வழங்கும்.
பொருளாதாரம் சீரடையும்போது, நல்ல வேலை வாய்ப்புகளுக்கு சிங்கப்பூரர்கள் தயாராக இருப்பதை இது உறுதிசெய்யும்.
எஸ்ஜி ஒற்றுமை வேலைகள், திறன்களுக்கான தொகுப்புத்திட்டம் (SGUnited Jobs and Skills Package) வழி, கிட்டத்தட்ட 100,000 வேலை, பயிற்சி வாய்ப்புகள் உள்ளன.
இதில் குறுகியகால, நிரந்தர வேலைகள் உட்பட, புதிதாக வேலை தேடும் பட்டதாரிகளுக்கு வேலை பயிற்சி திட்டங்களும் உள்ளன.
ஒரு துறையிலிருந்து மற்றொன்றுக்கு மாற விரும்புவோருக்கு ஆதரவாக வாழ்க்கைத்தொழில் மாற்றும் திட்டம் (PCP) நடப்பில் உள்ளது.
இதன்வழி, புதிய துறையில் வேலை அனுபவம் இல்லாதவர்களுக்கு பயிற்சி கொடுக்கப்பட்டு, சம்பளம், பயிற்சிப் படித்தொகை ஆகியவற்றுக்கு அரசாங்க ஆதரவும் கிடைக்கிறது.
வேலை தேடுவதில் சிரமங்களை எதிர்கொண்டால், www.mycareersfuture.gov.sg/careercoaching எனும் இணையப் பக்கத்திற்குச் செல்லலாம்.
அதோடு சிங்கப்பூர் ஊழியரிணியின் Careers Connect நிலையங்களுக்குச் சென்று ஆலோசனையும் பெறலாம்.
இவை தெம்பனிஸ், உட்லண்ட்ஸ், பாய லேபார் பகுதிகளில் அமைந்துள்ளன. மேலும், சமூக மன்றங்கள் போன்ற தீவிலுள்ள 24 வாழ்க்கைத்தொழில் நிலையங்களிலும் (Career Centres) ஆலோசனை பெறலாம்.
வேலை வாய்ப்பு தொடர்பில் ஏதாவது கேள்விகள் உள்ளனவா?
‘முரசிடம் கேளுங்கள்’ என்ற புதிய கேள்வி பதில் தொடருடன் எங்களோடு இணைக.
உங்கள் ஐயங்களை தீர்க்க சிங்கப்பூர் ஊழியரணி, கேள்விகள் சிலவற்றுக்குப் பதிலளிக்கும்.
கேள்விகளை tamilmurasu@sph.com.sg எனும் இணைய முகவரிக்கு அனுப்புங்கள்.
அடுத்த மாதம் 9ஆம் தேதி பதில்களுடன் உங்களை சந்திக்கிறோம்!