சுடச் சுடச் செய்திகள்

டாக்டர் விவியன்: தனியார் துறையின் சிறந்த தீர்வுகளை அரசாங்கம் பயன்படுத்திக்கொள்ள வேண்டியது அவசியம்

இன்­றைய மக்­கள் உட­னுக்­கு­ட­னும் தங்­க­ளது தேவை­க­ளுக்கு ஏற்ப மாற்­றி­ய­மைக்­கப்­பட்ட வகை­யி­லும் கூடிய மின்­னி­லக்­கச் சேவை­கள் வேண்­டும் என எதிர்­பார்க்­கின்­றனர்.

அந்த எதிர்­பார்ப்­பு­க­ளைப் பூர்த்தி செய்­வ­தற்­குத் தனி­யார் துறை­களில் காணப்­படும் சிறந்த தீர்­வு­க­ளைக் கைக்­கொள்ள அர­சாங்­கம் தயா­ராக இருக்க வேண்­டும் என்று அறி­வார்ந்த தேசத் திட்­டத்­திற்­குப் பொறுப்பு வகிக்­கும் அமைச்­சர் விவி­யன் பால­கி­ருஷ்­ணன் கூறி இருக்­கி­றார்.

இதன்­மூ­லம் பொதுத்­து­றைக்குத் தங்­க­ளது சேவை­களை விற்க விரும்­பும் தனி­யார் நிறு­வ­னங்­களுக்கு அர­சாங்­கம் ‘மேற்­கோள் வாடிக்­கை­யா­ள­ராக’ அமைந்து, அவற்­றுக்கு அதிக வாய்ப்­பு­க­ளைத் திறந்­து­வி­டும் என்று டாக்­டர் விவியன் தெரி­வித்­தார்.

‘GovTech’ எனும் அர­சாங்­கத் தொழில்­நுட்ப அமைப்பு நேற்று ஏற்­பாடு செய்­தி­ருந்த ‘ஸ்டேக் 2020 மேம்­பாட்­டா­ளர்’ கருத்­த­ரங்­கில் டாக்­டர் விவி­யன் கலந்­து­கொண்டு பேசி­னார்.

சொல்-செயல் என இரு வழி­களி­லும் பொதுத்­துறை-தனி­யார் துறை ஒத்­து­ழைப்பை வளர்க்க அர­சாங்­கம் விரும்­பு­வ­தா­கக் குறிப்­பிட்ட அமைச்­சர், அதற்­குச் சான்­றாக அண்­மை­யில் அறி­மு­கப்­ப­டுத்­தப்­பட்ட இரு திட்­டங்­க­ளைச் சுட்­டிக்­காட்­டி­னார்.

“கிள­வுட் தொழில்­நுட்­பம் தொடர்­பில் அமே­சான் இணை­யச் சேவை­கள், மைக்­ரோ­சா­ஃப்ர் அஸுர், கூகல் கிள­வுட் தளம் ஆகிய மூன்று முன்­ன­ணிச் சேவை வழங்­கு­நர்­களு­டன் இணைந்து பணி­யாற்றி வரு­கி­றோம்,” என்று அவர் குறிப்­பிட்­டார்.

அர­சாங்­கத்­தின் சில தக­வல் தொழில்­நுட்ப அமைப்­பு­களை வணிக ‘கிள­வுட்’ சேவைக்கு மாற்­று­வ­தற்­கான நட­வ­டிக்­கை­களை அர­சாங்­கம் தொடங்­கும் என்று கடந்த 2018ஆம் ஆண்­டில் பிர­த­மர் லீ சியன் லூங் அறி­வித்­தி­ருந்­தார்.

அந்த வகை­யில், இவ்­வாண்டு ஜூன் மாத நில­வ­ரப்­படி, வரி நிர்­வா­கம் உள்­ளிட்ட 150க்கும் மேற்­பட்ட தக­வல் தொழில்­நுட்ப அமைப்பு­கள் ‘கிள­வுட்’ சேவைக்கு மாற்­றப்­பட்­டு­விட்­டன.

வெளி­யு­றவு அமைச்­ச­ரு­மான டாக்­டர் விவி­யன், இவ்­வாண்டு தொடக்­கத்­தில் அறி­மு­கப்­ப­டுத்­தப்­பட்ட ‘சிங்­கப்­பூர் அர­சாங்க மேம்­பாட்­டா­ளர் இணை­ய­வா­யில்’ குறித்­தும் பேசி­னார்.

அந்­தத் தளம், அர­சாங்­கத்­தின் தொழில்­நுட்­பத் தீர்­வு­கள் முக்­கிய தக­வல்­களை மென்­பொ­ருள் மேம்­பாட்­டா­ளர்­க­ளுக்கு வழங்கி வரு­கிறது. அவற்றை அவர்­கள் தங்­களது சொந்த செய­லி­க­ளி­லும் ஒருங்­கி­ணைத்து, மேம்­ப­டுத்­த­லாம்.

“அந்­தத் தீர்­வு­க­ளைப் பயன்­படுத்தி, உங்­க­ளது மின்­னி­லக்­கத் தயா­ரிப்­பு­களை உரு­வாக்­க­வும் சோதித்­துப் பார்­க்க­வும் மேம்­ப­டுத்­த­வும் முடி­யும் என்று நாங்­கள் உண்­மை­யி­லேயே நம்­பு­கி­றோம்,” என்று மென்­பொ­ருள் மேம்­பாட்­டா­ளர்­க­ளி­டம் அமைச்­சர் தெரி­வித்­தார்.

“ஏனெ­னில், அது வேலை­செய்­யும் பட்­சத்­தில், எங்­க­ளது சேவை­களி­லும் அவற்றை ஒருங்­கி­ணைக்க நாங்­கள் விரும்­பு­கி­றோம்,” என்­றும் அவர் சொன்­னார்.

கருத்­த­ரங்­கில் இடம்­பெற்ற ஒரு கலந்­து­ரை­யா­ட­லின்­போது, அந்­தத் தளத்­தில் இடம்­பெ­றும் மேம்­பா­டு­களில் பிர­த­ம­ரும் தாமும் அதிக ஆர்­வம் செலுத்­து­வ­தா­க­வும் அவர் சொன்­னார்.

கடந்த 2018ஆம் ஆண்டு முதல் முறையாக இடம்பெற்ற ‘ஸ்டேக்’ கருத்தரங்கு, இம்முறை மெய்நிகர் வழியில் நடத்தப்படுகிறது. அந்த இருநாள் கருத்தரங்கு இன்றுடன் முடிவடைகிறது.

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon