மாணவர் முரசு
இ-பேப்பர்
சக்கரநாற்காலி பயன்படுத்தும் பயணிகளுக்கு ஏதுவாக புதிய சேவை ஒன்றை கிராப் நிறுவனம் முன்னோட்டம் செய்து பார்க்கிறது.
சக்கரநாற்காலி பயன்படுத்தும் பயணிகள் பயணம் முழுவதும் சக்கர நாற்காலியிலிருந்து இறங்க தேவையில்லாத சேவையை வழங்க கிராப் திட்டமிட்டுள்ளது.
இந்தச் சேவைக்கு ‘கிராப்
அசிஸ்ட் பிளஸ்’ என்று பெயரிடப்பட்டுள்ளது. இது தொடர்பான முன்னோட்டத்தில் அடுத்த திங்கட்கிழமையிலிருந்து சக்கர நா்றகாலி பயன்படுத்தும் பயணிகளை ஏற்றிக்கொள்ளக்கூடிய பத்து வாகனங்கள் அறிமுகப்படுத்தப்படும்.
சக்கரநாற்காலி பயன்படுத்தும் பயணிகளுக்கு உதவ பயிற்சி பெற்ற ஓட்டுநர்கள் மட்டுமே இந்த வாகனங்களை ஓட்டுவர். இந்தச் சேவையைப் பயன்படுத்துவோர் முதல் ஏழு கிலோமீட்டருக்கு $32 செலுத்த வேண்டும்.
மேலும் ஒரு கிலோ மீட்டருக்கும் கூடுதலாக 40 காசு செலுத்த வேண்டும். அதை அடுத்து ஒவ்வொரு கிலோ மீட்டருக்கும் $2.30 செலுத்த வேண்டும்.
தற்போதைய ‘கிராப்அசிஸ்ட் ரைட்’ சேவை மேம்படுத்தப்பட்டு இந்தப் புதிய சேவை வழங்கப்படுகிறது. தற்போதைய சேவையின்கீழ் சக்கரநாற்காலி பயன்படுத்தும் பயணி தமது சக்கரநாற்காலி அல்லது தனிநபர் நடமாட்டச் சாதனத்தை வாகனத்தில் மடக்கி வைக்க ஏற்பாடு செய்யப்பட்டுள்ளது.
இதனால் அவர் வாகனத்தில் ஏறுவதற்கு முன்பு சக்கரநாற்
காலியைவிட்டு இறங்க வேண்டும்.
இந்தச் சேவைக்கு பெருமளவிலான வரவேற்பு கிடைத்துள்ளது. இந்தச் சேவையை 2018ஆம் ஆண்டில் தொடங்கியதிலிருந்து 50,000க்கும் அதிகமான பயணங்கள் பதிவாகியிருப்பதாக கிராப் தெரிவித்தது.
புதிய சேவையின் மூலம் யாருடைய உதவியுமின்றி சக்கரநாற்காலி பயன்படுத்தும் பயணிகள் சுயமாகப் பயணம் செய்யலாம் என்று கிராப் சிங்கப்பூரின் நிர்வாக இயக்குநர் திரு யீ வீ டேங் தெரிவித்தார்.
தற்போதைய நிலையில், உடற்குறையுள்ள பயணியை வாகனத்தில் ஏற்றிவிடவும் அவர்களது
சக்கரநாற்காலியை வாகனத்துக்குள் வைக்கவும் கிராப் ஓட்டுநர்களுக்கு சில சமயங்களில் சிரமம் ஏற்படலாம் என்று தெரிவிக்கப்பட்டது. அனைவரையும் உள்ளடக்கும் நோக்குடன் பயணிகள் தங்கள் வீட்டிலிருந்து அல்லது முதியோர் பராமிப்பு நிலையங்களிலிருந்து மருத்துவமனைகளுக்குச் செல்லவும் அங்கிருந்து அவர்களது வசிப்பிடத்துக்குத் திரும்புதற்கும் ஏதுவான சேவையை வழங்க கிராப், எஸ்எம்ஆர்டி டாக்சி நிறுவனம், டான் டோக் செங் மருத்துவமனை, சிங்கப்பூர் பொது மருத்துவமனை ஆகியவை பங்காளித்துவ ஒப்பந்தத்தில் கையெழுத்திட்டுள்ளன. டான் டோக் செங்
மருத்துவமனையின் பாதப் பராமரிப்பு, கை மற்றும் கால் வடிவமைப்பு நிலையம், டான் டோக் செங் முதியோர் மருத்துவ நிலையம், சிங்கப்பூர் பொது மருத்துவமனையின் நீரிழிவு, வளர்சிதை மாற்ற நிலையம் உட்பட குறிப்பிட்ட சில இடங்களுக்கு மட்டுமே இந்தச் சேவையைப் பயன்படுத்தலாம்.
