அடிப்படை ராணுவப் பயிற்சியின்போது ‘எச்ஐஐடி’ வகை உடற்பயிற்சியில் 18 வயது கவின் குமார் வேலு ஈடுபட்டார்.
இருப்பினும், அவருக்கு உயர்நிலைப் பள்ளியிலேயே இந்த உடற்பயிற்சி அறிமுகப்படுத்தப்பட்டதாக பகிர்ந்துகொண்டார்.
‘எச்ஐஐடி’ என்பது ஒருவர் இடைவெளிகள் விட்டு விட்டு மேற்கொள்ளும் ஒருவகையான தீவிர உடற்பயிற்சியாகும்.
இதைத் தன் உயர்நிலைப்பள்ளி நண்பர் வழியாக அறிந்துகொண்டார் தற்போது முழுநேர தேசிய சேவையாளராக இருக்கும் கவின்.
கடந்த மூன்று ஆண்டுகளாக இந்தப் பயிற்சியில் ஈடுபட்டு வருகிறார் அவர். மெதுவோட்டம் போன்ற இதர ‘கார்டியோ’ வகை உடற்பயிற்சிகளைவிட ‘எச்ஐஐடி’ வகை உடற்பயிற்சியை விரைவாகச் செய்து முடித்துவிடலாம் என்றும் அவர் குறிப்பிட்டார்.
ரத்த அழுத்தத்தையும் இதயத் துடிப்பையும் இந்த உடற்பயிற்சி கட்டுப்படுத்த உதவுகிறது.
‘எச்ஐஐடி’வழி ஒரு நிமிடத்தில் ஒருவரது உடல் உள்ளிழுக்கும் பிராணவாயு அளவு அதிகமாகிறது. இருப்பினும், உடலைச் சற்று வருத்தும் ‘எச்ஐஐடி’ உடற்பயிற்சியைச் சரியான முறையில் மேற்கொள்வது அவசியமாகும்.