சிங்கப்பூரின் மோட்டார் துறையில் நிகழும் மாற்றங்கள்

அடுத்த ஆண்டு சிங்கப்பூரில் அறிமுகப்படுத்தப்படவிருக்கும் பிஎம்டபிள்யூ சில்லறை விற்பனை காட்சிக்கூடம். படம்: பிஎம்டபிள்யூ

21 May 2022 05:30

கார் உற்பத்தியாளர்கள் எரிபொருள் விற்பனை, லாப வரம்புகளை அதிகரிப்பது மற்றும் வாகன சில்லறை வர்த்தகத்தை மாற்றியமைப்பதில் பயனீட்டாளருடன் நெருக்கமான ஈடுபாட்டைக் கொண்டிருப்பதற்கான வழிகளைப் பார்க்கின்றனர். ஆனால், இதன் தொடர்பில் விநியோகிப்பாளர்கள் முற்றிலும் மகிழ்ச்சியடையவில்லை.

சிங்கப்பூரில் 2 பிஎம்டபுள்யூ

விநியோகிப்பாளர்கள்

வரும் அக்டோபர் 1ஆம் தேதி முதல் பிஎம்டபுள்யூ காரை வாங்குபவர்களுக்கு சிங்கப்பூரில் இரண்டு அதிகாரபூர்வ விநியோகிப்பாளர்கள் சேவையாற்றுவார்கள். புதிய கார் வாங்குவது, அவர்களின் தற்போதைய பிஎம்டபுள்யூ காரைப் பராமரிப்பு மற்றும் பழுதுபார்ப்புச் சேவைகளுக்கு அனுப்புதல் ஆகியவற்றுக்கு இவ்விரு நிலையங்களும் சேவை வழங்கும்.

தற்போதுள்ள பெர்ஃபோமன்ஸ் மோட்டோர்ஸ் நிறுவனத்துடன், கார்சோனோ குவீயின் யூரோகார்ஸ் குழுமத்தின் ஒரு பிரிவான யூரோகார்ஸ் ஆட்டோ குழு அளவிலான விநியோகிப்பாளராக நியமிக்கப்பட்டுள்ளது.

மோட்டோரிங் டைட்டர்ஸ் சஞ்சிகைக்குக் கடந்த புதன்கிழமை பேசிய பிஎம்டபுள்யூ ஆசியா நிறுவனத்தின் நிர்வாக இயக்குநர் லார்ஸ் நீல்சன், "ஒரு நாட்டில் ஒன்றுக்கு மேற்பட்ட கார் விநியோகிப்பாளர்கள் இருப்பது புதிதல்ல. மேலும் இது வாடிக்கையாளர்களுக்கு அதிக வசதிகளைக் கொடுக்கும் அதேவேளையில் சிறந்த போட்டித்தன்மையையும் அளிக்கும்," என்றார்.

சிங்கப்பூரில் நேரடியாக மெர்சிடிஸ் பென்ஸ் கார் விற்பனை நடக்குமா?

பல நாடுகளில் தனது கார்களை நேரடியாக பயனீட்டாளர்களுக்கு விற்பனை செய்யும் போக்கை மேற்கொண்டு வரும் ஜெர்மன் கார் உற்பத்தியாளரான மெர்சிடிஸ் பென்ஸ் நிறுவனம், சிங்கப்பூரில் அவ்வாறு செய்வது தொடர்பில் இதுவரை கருத்து தெரிவிக்காமல் இருந்து வருகிறது.

வாடிக்கையாளர் விரும்பும் மெர்சிடிஸ் பென்ஸ் காரை அதன் விநியோகிப்பாளர், இணையம் வழி முன்பகுதி செய்கிறது. அதன் மூலம் காரின் விலை, வாடிக்கையாளர் சேவை, லாப வரம்பு ஆகியவற்றை கார் உற்பத்தி நிறுவனமே தனது கட்டுப்பாட்டில் வைத்துள்ளது.

இது பாரம்பரிய கார் விநியோகிப்பாளர்களை, சோதனையோட்டம், வாகனங்களை விநியோகம் செய்தல், பராமரிப்பு மற்றும் பழுதுபார்ப்பு போன்ற விற்பனைக்குப் பிந்தைய சேவைகளை வாடிக்கையாளர்களுக்கு வழங்கும் முகவர்களாக மாற்றுகிறது.

சிங்கப்பூரில் 'போர்ஷே'யின் சில்லறை வர்த்தக வாய்ப்புகள்

ஜெர்மன் கார் உற்பத்தியாளரான 'போர்ஷே' சிங்கப்பூரில் சில்லறை வர்த்தகத்தை விரைவில் தொடங்கவிருக்கிறது. போர்ஷே கார்களை வாங்குவதிலும் உரிமை வைத்திருப்பதிலும் பயனீட்டாளர்களுக்கு ஒரு சிறந்த அனுபவத்தைக் கொடுக்கும் நோக்கத்திலேயே இவ்வாறு செய்யப்பட்டுள்ளது.

சிங்கப்பூரில் போர்ஷே கார்களின் அதிகாரபூர்வ விநியோகிப்பாளரான யூரோகார்ஸ் குழுமத்துடன் அது இதன் தொடர்பில் பேச்சு நடத்தி, வருகிறது. அதன் மூலம் விற்பனை மற்றும் விற்பனைக்குப் பிந்திய செயல்பாடுகளை வழங்கும் ஒரு கூட்டு நிறுவனம் அமைக்கப்படும் என்று அறியப்படுகிறது.

இரு நிறுவனங்களுக்கிடையே வர்த்தக ஏற்பாடுகள் இடம்பெறும் என்று கடந்த ஆறு மாதங்களாக ஊகங்கள் நிலவி வந்தாலும், எந்தவொரு தரப்பும் இதன் தொடர்பில் கருத்து கூற மறுத்து வருகின்றன.

கடந்த ஆண்டு உலகமெங்கும் இணையம் வழி 5,800 போர்ஷே கார்கள் விற்பனையாகின. அதற்கு முந்திய ஆண்டில் அந்த எண்ணிக்கை 1,700.

சிங்கப்பூரில் தயாரிக்கப்பட்ட மின்சார வாகனங்களின் நேரடி விற்பனை விரைவில் தொடக்கம்

கொரியாவின் கார் உற்பத்தியாளரான ஹியுண்டே, சிங்கப்பூரில் உள்ள தனது கார் உறுபத்தி நிறுவனத்திலிருந்து நேரடியாக தனது மின்சார கார்களின் விற்பனை, குத்தகை ஆகியவற்றை வாடிக்கையாளர்களுக்கு நேரடியாக வழங்க திட்டமிட்டுள்ளது என்று அறியப்படுகிறது.

அந்த கார் உற்பத்தியாளரின் துணை நிறுவனமான சிங்கப்பூர் ஹியுண்டே மோட்டார் குழுமத்தின் புத்தாக்க நிறுவனம், தனது வளாகத்தில் வேலை செய்ய ஊழியர்களைத் தேடி வருகிறது.

அவற்றில் ஒன்றான விற்பனை திட்ட அதிகாரி, கார்களுக்கான வான உரிமச் சான்றிதழ்களுக்கான விண்ணப்பங்களை ஏலக் குத்தகையில் சமர்ப்பித்தல், வாகனப் பதிவு, வாகன விநியோகம் ஆகியவற்றைக் கவனித்துக்கொள்வார்.

பாரம்பரியமாக, இந்தப் பணிகளை சில்லறை விற்பனை செயல்பாடுகளைக் கவனித்துக்கொள்ளும் கார் விநியோகிப்பாளர்களின் பொறுப்பாக இருந்தது. இதற்கு முன்பு இந்தப் பணிகளை கார் உற்பத்தி நிறுவனம் ஏற்றுக்கொண்டதில்லை.

சிங்கப்பூரில் ஹியுண்டே கார்களின் ஒரே விநியோகிப்பாளராக 1986ஆம் ஆண்டிலிருந்து கொமோக்கோ மோட்டோர்ஸ் நிறுவனம் இருந்து வருகிறது.

கொமோக்கோ மோட்டோர்ஸ் நிறுவனத்திடம் தனது 'ஐயோனிக் 5' ரக கார்களை பூலிம் அவென்யூவில் உள்ள தனது மின்சார கார் உறுபத்தி ஆலையிலிருந்து நேரடியாக விற்க ஹியுண்டே திட்டமிட்டு வருகிறது என்று தகவல்கள் கூறுகின்றன. 'ஐயோனிக் 5' ரக கார்களைத் தவிர்த்த மற்ற ரக கார்களை கொமோக்கோ மோட்டோர்ஸ் நிறுவனம் விற்கும்.

முதல் தொகுதி 'ஐயோனிக் 5' ரக கார்கள் இவ்வாண்டு இறுதியில் சிங்கப்பூர் உற்பத்தி ஆலையிலிருந்து விற்பனைக்கு விடப்படும் என்று எதிர்பார்க்கப்படுகிறது.