மாணவர் முரசு
இ-பேப்பர்
ரியோ டி ஜெனிரோ: பெண்களுக்கான கலப்பு பாணி 400 மீட்டர் தூர நீச்சல் போட்டியில் ஹங்கேரியைச் சேர்ந்த கட்டின்கா ஹோஸ்ஸு தங்கம் வென்று புதிய உலக சாதனை படைத்துள்ளார். இதற்கு இந்த மாது எடுத்துக்கொண்ட நேரம் 4 நிமிடம் 26.36 விநாடிகள். 200 மீட்டர் கலப்பு பாணி நீச்சல் போட்டியிலும் உலக சாதனையை ஏற்படுத்தியுள்ள இவர், தான் பங்கேற்கும் நான்காவது ஒலிம்பிக் போட்டியில்தான் தங்கப் பதக்கம் வெல்ல முடிந்தது என்பது குறிப்பிடத்தக்கது.
"எனது வெற்றி ஒரு நீண்ட நெடும் பயணம். இன்று நான் பதக்கம் வெல்லவில்லை என்றாலும் ஏமாற்றம் அடைந்திருக்க மாட்டேன் என்ற நிலையில், நான் இன்று மிகவும் மகிழ்ச்சியாக உள்ளேன்," என்றார். இவரின் இந்த வெற்றி சீன நீச்சல் வீராங்கனை யி ஷிவென் ஏற்படுத்திய உலக சாதனை நேரமான 4 நிமிடம் 28.43 விநாடியை முறியடித்துள்ளது.
