வெலன்சியா: நான்கு நாடுகள் கலந்துகொள்ளும் ஜூனியர் ஹாக்கி போட்டி வெலென்சியா நகரில் நடைபெற்று வருகிறது. இதில் நேற்று முன்தினம் நடந்த ஆட்டத்தில் இந்திய அணி, ஸ்பெயினை 3-1 என்ற கோல்கணக்கில் வீழ்த்தியது. இந்திய அணிக்காக பர்வீந்தர் சிங், நீலகண்ட சர்மா, அர்மான் குரேஷி ஆகியோர் கோல்களை அடித்தனர். இந்த வெற்றியின் மூலம் இந்திய அணி புள்ளிகள் பட்டியலில் முதல் இடத்தைப் பிடித்தது.
ஐந்து நாடுகள் கலந்துகொள்ளும் பெண்களுக்கான ஜூனியர் ஹாக்கி போட்டிகள் பிரசல்ஸ் நகரில் நடைபெற்று வருகிறது. இதில் இந்திய மகளிர் அணி ஜெர்மனியிடம் 1-2 என்ற கோல்கணக்கில் போராடித் தோற்றது. இந்தப் போட்டியில் ஜெர்மனி அணிக்காக எலிசா கிரேவ், ஜூலியா மெஃபர்ட் ஆகியோர் கோல் அடித்தனர். இந்திய அணியில் ஜோதிக் குப்தா ஒரு கோல் அடித்தார்.