இரு தரப்பிற்கும் வாய்ப்பு

பெங்களூரு: ஆஸ்திரேலியா - இந்தியா அணிகளுக்கு இடை யிலான இரண்டாவது டெஸ்ட் கிரிக்கெட் போட்டியில் வெற்றி பெற இரு அணிகளுக்குமே சம வாய்ப்பு நிலவுகிறது. நான்கு போட்டிகள் கொண்ட தொடரின் முதல் ஆட்டத்தில் ஆஸி. அபார வெற்றி பெற்றது. இந்நிலையில் கடந்த சனிக்கிழமை தொடங்கிய 2வது ஆட்டத்தின் முதல் இன்னிங்சிலும் அவ்வணியே ஆதிக்கம் செலுத்தியது. சுழற்பந்து வீச்சாளர் நேதன் லயன் எட்டு விக்கெட்டுகளைச் சாய்க்க, இந்திய அணி முதல் இன்னிங்சில் 189 ஓட்டங்களுக்குச் சுருண்டது. அதைத் தொடர்ந்து பந்தடித்த ஆஸி. அணி இரண்டாம் நாள் முடிவில் முதல் இன்னிங்சில் ஆறு விக்கெட் இழப்பிற்கு 237 ஓட்டங்களை எடுத்திருந்தது.

ஆஸ்திரேலிய வீரர் ஹேசல்வுட் பந்துவீச்சில் 'ஸ்டம்ப்'பைப் பறிகொடுத்த இந்திய அணியின் தொடக்க ஆட்டக்காரர் அபினவ் முகுந்த். படம்: ஏஎஃப்பி