மாணவர் முரசு
இ-பேப்பர்
பர்மிங்ஹம்: காமன்வெல்த் போட்டியில் மகளிருக்கான கிரிக்கெட் இறுதி ஆட்டத்தில் ஆஸ்திரேலியாவிடம் 9 ஓட்டங்கள் வித்தியாசத்தில் இந்திய அணி தோல்வியின் பிடியில் சிக்கி தங்கம் வெல்லும் வாய்ப்பை நழுவவிட்டது.
பூவா தலையாவில் வென்ற ஆஸ்திரேலிய அணி முதலில் பந்தடித்தது. இதையடுத்து களம் இறங்கிய அந்த அணியின் வீராங்கனைகளில் பெத் மூனி ஆக அதிகமாக 61 ஓட்டங்கள் குவித்தார்.
அணித் தலைவர் மெக் லானிங் 36 ஓட்டங்களும் ஆஷ்லே கார்ட்னர் 25 ஓட்டங்களும் எடுத்தனர்.
20 ஓவர் முடிவில் ஆஸ்திரேலிய மகளிர் அணி 8 விக்கெட்டுகள் இழப்பிற்கு 161 ஓட்டங்கள் எடுத்தது.
இதையடுத்து 162 ஓட்டங்கள் இலக்கை நோக்கி இந்திய அணி களம் இறங்கியது.
அதிகபட்சமாக அணித் தலைவர் ஹர்மன்பிரித் கவுர் 65 ஓட்டங்கள் குவித்தார்.
ஜெமிமா ரோட்ரிக்ஸ் 33 ஓட்டங்களும் தீப்தி சர்மா 13 ஓட்டங்களும் சபாலி வர்மா 11 ஓட்டங்களும் எடுத்தனர்.
19.3 ஓவர் முடிவில் இந்திய அணி 152 ஓட்டங்கள் எடுத்து அனைத்து விக்கெட்டுகளையும் இழந்தது.
ஆட்டத்தைக் கைப்பற்றிய ஆஸ்திரேலியா தங்கப் பதக்கத்தை வென்றது.
இறுதிவரை போராடி இந்திய மகளிர் வெள்ளிப் பதக்கத்துடன் போட்டியை முடித்துக்கொண்டனர்.
