தாய், மகனைக் கொன்று நகையும் பணமும் கொள்ளை

திருத்தணி அருகே தாயையும் மகனையும் கொன்று கொள்ளை யர்கள் நகை, பணத்தைக் கொள் ளையடித்துச் சென்றது அப்பகுதி வாழ் மக்களிடம் அச்சத்தை ஏற்படுத்தியுள்ளது.
பெருமாள் தங்கல் புதூரைச் சேர்ந்த வனபெருமாள், 50, அருகே உள்ள டயர் தொழிற் சாலையில் காவலாளியாகப் பணி புரிந்து வருகிறார். அவருக்கு வீரலட்சுமி, 45, என்ற மனைவியும் பவித்ரா, 25, போத்திராஜ், 10, என இரு பிள்ளைகளும் இருக் கின்றனர்.
வழக்கம்போல் கடந்த ஞாயிறு இரவு வேலைக்குச் சென்ற திரு பெருமாள், மறுநாள் காலையில் வீடு திரும்பினார். கதவைப் பல முறை தட்டியும் திறக்காததால் சன்னல் வழியாக எட்டிப் பார்த்த அவர் தம்முடைய மனைவியும் மகனும் இறந்துகிடப்பதைக் கண்டு அதிர்ச்சியடைந்தார்.
திருமதி வீரலெட்சுமியின் கழுத்தில் இருந்த எட்டு சவரன் நகையைக் காணவில்லை. அத் துடன், படுக்கையறை பீரோவில் இருந்த 21 சவரன் நகைகளும் 20 ஆயிரம் ரூபாயும் கொள்ளை அடிக்கப்பட்டு இருந்ததும் தெரிய வந்தது.
சுவரெல்லாம் ரத்தம் தெறித்து இருந்ததைக் கண்டபோது கொள் ளையர்களை எதிர்த்து திருமதி வீரலட்சுமி போராடி இருக்கலாம் எனத் தெரிகிறது. மாற்றுத் திற னாளியான அவரது கழுத்தில் வெட்டுக்காயம் இருந்தது.
கொள்ளையர்கள் சிறுவன் போத்திராஜை கழுத்தை நெரித் துக் கொன்றிருக்கலாம் எனச் சந்தேகிக்கப்படுகிறது.
கொலை, கொள்ளையில் ஈடு பட்ட மர்ம கும்பலை போலிசார் தனிப்படை அமைத்து தேடி வரு கின்றனர்.