போயிங் நிறுவனமும் ஆஸ்திரேலிய ஆகாயப் படையும் விமானியில்லா ஜெட் போர் விமானத்தின் முதல் சோதனையை வெற்றி கரமாக முடித்துள்ளன.
ஆஸ்திரேலியாவின் ஐம்பது ஆண்டுகால வரலாற்றில் முதல் முறையாக ‘லாயல் விங்மேன்’ எனும் ராணுவ விமானம் உள்ளூரிலேயே வடிவமைக்கப்பட்டு தயாரிக்கப்பட்டுள்ளது.
தெற்கு ஆஸ்திரேலியாவில் உள்ள கட்டுப்பாட்டு நிலையத்தில் போயிங் நிறுவனத்தின் மேற்பார்வையில் விமானம் சோதிக்கப்பட்டது.
இந்த விமானத்தைத் தயாரிக்க ஆஸ்திரேலியா அரசாங்கம் 40 மில்லியன் ஆஸ்திரேலிய டாலரை முதலீடு செய்துள்ளது.
அமெரிக்கா, பிரிட்டன் போன்ற நாடுகள் இந்த விமானத்தின் மீது ஆர்வம் காட்டி வருகின்றன.
‘லாயல் விங்மேன்’ 11.6 மீட்டர் நீளமுள்ளது.
இதன் மூக்குப் பகுதியை மாற்றி வெவ்வேறு பணிகளுக்குப் பயன்படுத்தலாம்.
விலை உயர்ந்த போர் விமானங்களுக்கு பாதுகாப்புக் கேடயமாகவும் இவற்றைப் பயன்படுத்தலாம். இந்த நிலையில், மேலும் மூன்று விமானங்களை வாங்க கூடுதலாக 115 டாலரை முதலீடு செய்ய ஆஸ்திரே லிய அரசு திட்டமிட்டுள்ளது.