எஸ்பிஎச் ஆங்கிலம், மலாய், தமிழ் ஊடகக் குழுமத்துக்குப் புதிய நிர்வாக ஆசிரியர், பிசினஸ் டைம்ஸ் ஆசிரியர் நியமனம்

சிங்கப்பூர் பிரஸ் ஹோல்டிங்ஸ் லிமிட்டெட் (எஸ்பிஎச்) நிறுவனத் தின் ஆங்கிலம்/மலாய்/தமிழ் (EMTM) ஊடகக் குழுமத்துக்கு திரு ஆல்வின் டே, 61, நிர்வாக ஆசிரியராக 2016 டிசம்பர் 1 முதல் நியமிக்கப்படுவதாக எஸ்பிஎச் அறிவித்து இருக்கிறது. திரு வோங் வெய் கோங், தி பிசினஸ் டைம்ஸ் செய்தித்தாளுக்கு ஆசிரியராக நியமிக்கப்படுகிறார். இவர்கள் ஆங்கிலம்/மலாய்/ தமிழ் ஊடகக் குழுமம், ஸ்ட்ரெய்ட்ஸ் டைம்ஸ் ஆகியவற் றின் தலைமை ஆசிரியரான திரு வாரன் பெர்னாண்டசுக்குக் கீழ் பணியாற்றுவர்.

ஆங்கிலம்/மலாய்/ தமிழ் ஊடகக் குழுமத்தில் தலை மைத்துவப் புதுப்பிப்பின் ஓர் அங்கமாக இந்த நியமனங்கள் இடம்பெறுகின்றன. இதற்கிடையே, திரு ஆல்வின் டே மரியாதைக்கு உரிய, பழுத்த அனுபவம் வாய்ந்த ஒருவர் என்றும் அவருக்கு பிசினஸ் டைம்ஸ், ஸ்ட்ரெய்ட்ஸ் டைம்ஸ் செய்தித்தாட்களில் 30 ஆண்டுக் கும் அதிக காலம் அனுபவம் உண்டு என்றும் திரு பெர்னாண்டஸ் குறிப்பிட்டார். திரு ஆல்வின் பெற்றுள்ள ஆழமான அறிவும் வலுவான தொடர்புக் கட்டமைப்பும் ஆங்கிலம்/மலாய்/ தமிழ் ஊடகக் குழுமம் புதிய வாய்ப்புகளை அடையாளம் கண்டு அவற்றைப் பயன்படுத்திக்கொள்வதில் உதவும் என்றும் திரு பெர்னாண்டஸ் தெரிவித்தார்.