நல்லாட்சியை அசைக்க இயலாது: முதல்வர் பழனிசாமி திட்டவட்டம்

7 Aug 2017 07:58 | மாற்றம் செய்யப்பட்ட நாள் / நேரம்: 8 Aug 2017 06:41

பெரம்பலூர்: அரசியலுக்கு வருவதற்கு முன்பே மக்களுக்குப் பல்வேறு உதவி களைச் செய்தவர் எம்ஜிஆர் என முதல்வர் எடப்பாடி பழனிசாமி புகழாரம் சூட்டியுள்ளார். பெரம்பலூரில் நடைபெற்ற அரசு விழாவில் கலந்துகொண்டு பேசிய அவர், கடந்த 3 ஆண்டுகளில் மட்டும் தமிழகத்தில் தடுப்பணைகள் கட்ட ரூ.1000 கோடி ஒதுக்கப்பட்டுள்ள தாகத் தெரிவித்தார். காலஞ்சென்ற முன்னாள் முதல்வர் கள் எம்ஜிஆரும் ஜெயலலிதாவும் தமிழகத்திற்கு கிடைத்த வரம் என்று குறிப்பிட்ட அவர், அதிமுக அரசை யாராலும் வீழ்த்த இயலாது என்றும் அவ்வாறு வீழ்த்த நினைப்பவர்கள்தான் வீழ்ந்துபோவார்கள் என்றும் கூறினார். "தமிழகத்தில் நடைபெற்று வரும் நல்லாட்சியை யாராலும் அசைக்க முடியாது. இன்னும் 100 ஆண்டுகள் ஆனாலும் அதிமுக நிலைத்து நிற் கும்," என்றார் முதல்வர். கோட்டையைப் பிடிக்க நினைப் பவர்கள் முதலில் மக்கள் மனதில் நிலைக்க வேண்டும் என்றும் அவர் மறைமுகமாக இடித்துரைத்தார். 1510 ஏரிகளில் குடி மராமத்துப் பணிகள் நடைபெறுவதாகவும் அவர் கூறினார்.