அஜித் கதாநாயகனாக நடிக்கும் ‘நேர் கொண்ட பார்வை’ திரைப்படத்தின் ‘காலம்’ என்ற பாடல் நேற்று மாலை வெளியிடப்பட்டது. ‘வானில் இருள்’ பாடலை அடுத்து இந்தப் பாடல் வெளியாகியுள்ளது. பாடல்கள் அனைத்திற்கும் யுவன் சங்கர் ராஜா இசையமைத்திருக்கிறார்.
பாடல் பற்றிய அறிவிப்பு தயாரிப்பாளர் போனி கபூரின் டுவிட்டர் கணக்கில் நேற்று வெளியிடப்பட்டது. நவீன ‘எலெக்ட்ரோ’ மெட்டுகளைக் கொண்ட இந்தப் பாடலை அலிஷா தாமஸ், யுன்ஹோ ஆகியோர் பாடியுள்ளனர். இதன் வரிகளை நாகர்ஜூன் ஆர் யுன்ஹோ இயற்றியிருக்கிறார்.
இந்தத் திரைப்படம் அடுத்த மாதம் 9ஆம் தேதி திரையரங்குகளில் வெளியிடப்படும் என எதிர்பார்க்கப்படுகிறது.