'காந்த கண்ணழகி' என்ற பாடலை தமிழ்த் திரையுலகினர் யாரும் மறந்திருக்க மாட்டார்கள். தன்னுடைய காந்த கண்ணால் பலரையும் வளைத்துப்போட்டவர் அனு
இம்மானுவேல். இவரும் தெலுங்கு
நடிகர் அல்லு சிரிசும் ரகசியமாக காதலித்து வருவது அம்பலமாகி உள்ளது.
அனு இம்மானுவேல் தமிழில் 'துப்பறிவாளன்' படத்தில் விஷாலுடனும் 'நம்ம வீட்டு பிள்ளை' படத்தில் சிவகார்த்திகேயனுடனும் நடித்திருந்தார். இந்தப் படங்களுக்குப் பிறகு இவர் தெலுங்கு, மலையாளப் படங்களில் தொடர்ந்து நடித்து வருகிறார்.
அல்லு சிரிஷ் தெலுங்கில் இளம் நாயகனாக நடித்து வருகிறார். மேலும் தமிழ், தெலுங்கில் உருவான 'கவுரவம்' என்ற படத்திலும் நடித்திருக்கிறார். இவர் அல்லு அர்ஜுனின் தம்பி என்பது குறிப்பிடத்தக்கது.
அண்மையில் அனு இம்மானுவேல் பிறந்த நாள் கொண்டாடினார். அப்போது அனுவை வாழ்த்தி அல்லு சிரிஷ் ஒரு காணொளி வெளியிட்டார். அந்த காணொளியில் இருவரும் நெருக்கமாக இருக்கும் காட்சிகள் இருந்தன. அனுவை 'சைக்கோ' என்று செல்லமாக அழைத்து உள்ளார். இந்தக் காணொளி அவர்கள் காதலை உறுதிப்படுத்தி இருப்பதாக தெலுங்கு திரையுலகம் கூறுகிறது.