தாயார் சிற்றுண்டி சாப்பிட்டு முடிக்க ரயில் சங்கிலியை இழுத்த மகன்

3 Jul 2019 06:00 | மாற்றம் செய்யப்பட்ட நாள் / நேரம்: 3 Jul 2019 09:23

மதுரா: தனது தாயார் காலைச் சிற்றுண்டியை முடிக்க வேண்டும் என்பதற்காக ரயிலின் அபாயச் சங்கிலியை இழுத்தவர் மீது வழக்குப் பதிவானது. டெல்லியைச் சேர்ந்த மனீஷ் என்பவர் தனது தாயாருடன் ரயிலில் மதுரா சென்றுள்ளார். மதுராவை நெருங்கிய போது அவரது தாயார் தனது காலைச் சிற்றுண்டியை சாப்பிட்டுக்கொண்டிருந்தார். இந்நிலையில் மதுராவை அடைந்த ரயில், அங்கிருந்து புறப்பட்டுள்ளது. தாயார் சாப்பிட்டு முடிப்பதற்குள் ரயில் கிளம்பவே, அபாயச் சங்கிலியை இழுத்துள்ளார் மனீஷ். இதையடுத்து அவர் மீது ரயில்வே பாதுகாப்புப்படை போலிசார் தேவையின்றி அபாயச் சங்கிலியை இழுத்ததாக வழக்குப் பதிவு செய்துள்ளனர்.