இளையரின் ஆக விருப்பமான பொழுதுபோக்கு விளையாட்டு, பொழுதுபோக்கு சார்ந்த ஆய்வுகளில் ஈடுபடும் ரெபுகோம் என்ற ஆய்வு நிறுவனம் நடத்திய உலகளாவிய ஆய்வில் இன்றைய தலைமுறைக்கு ஆக விருப்பமான பொழுதுபோக்கு இசை என்று கண்டறியப்பட்டுள்ளது. அந்த ஆய்வு முடிவுகள் நேற்று முன்தினம் வெளியிடப்பட்டன. இந்த நூற்றாண்டின் ஆக விருப்பமான பொழுதுபோக்கு இசை என்றும் ஆய்வில் கண்டு அறிந்துள்ளனர். பிரிட்டன், பிரான்ஸ், ஜெர்மனி, ஜப்பான், அமெரிக்கா உள்ளிட்ட நாடுகளில் 13 வயதுக்கும் 34 வயதுக்கும் இடைப்பட்டவர்களிடம் நடத்தப்பட்ட அந்த ஆய்வில் இது கண்டறியப்பட்டுள்ளது.
86 விழுக்காட்டினர் இசைதான் தங்கள் விருப்பமான பொழுது போக்கு என்று கூறியிருந்தனர். அத்துடன் ஒப்புநோக்க 83 விழுக்காட்டினர் திரைப்படங்களையும் 79 விழுக்காட்டினர் தொலைக் காட்சி நிகழ்ச்சிகளையும் 59 விழுக்காட்டினர் விளையாட்டையும் தேர்வு செய்தனர். இசை விழாக்களின் எண்ணிக்கையும் அளவும் அண்மைக் காலங்களின் பெருமளவிற்கு அதிகரித்துள்ளன என்று சுட்டிய ஆய்வுக் குழுத் தலைவர் ராக், "இந்த ரசிகர்களைத் திருப்திப் படுத்துவது மேலும் மேலும் கடினமாகி வருகிறது," என்று கூறினார்.
மேலும் இசை ரசிகர்கள் குறித்துப் பேசிய அவர், "அசலான இசை கேட்க விரும்பும் இந்த ரசிகர்கள் சட்டென்று நகலை அடையாளம் கண்டு விடுகின்றனர்," என்றுரைத்தார். இசைக்காக பிரிட்டனில் ஃபேஸ்புக்தான் ஆக அதிகமாக நாடப்படுகிறது என்றும் பிரான்சில் இசை அரங்க நிகழ்ச்சிகள் அதிகம் விரும்பப்படுகின்றது என்றும் ஆய்வறிக்கை சுட்டியது. ஜப்பானில் தொலைக்காட்சி நிகழ்ச்சிகள் தான் இசைக்கான முக்கிய ஊடகமாகக் காணப்படுகிறது.
நன்றி: டெக்கான் குரோனிக்கல்