மாணவர் முரசு
இ-பேப்பர்
காபூல்: ஆப்கானிஸ்தானில் நிகழ்ந்த நிலநடுக்கத்தில் மாண்டவர்களின் எண்ணிக்கை ஆயிரத்தைத் தாண்டியுள்ளது.
இந்நிலையில் இனியும் ஒருவரை உயிருடன் மீட்பது அரிது என்பதால் தேடி மீட்கும் பணிகள் முடிவுக்கு வந்துள்ளன என்று நாட்டின் மூத்த அரசாங்க அதிகாரி ஒருவர் தெரிவித்தார்.
மருந்துகள், மற்ற முக்கிய உதவிப் பொருட்கள் போதுமான அளவில் இல்லை என்று அவர் சொன்னார்.
நிலநடுக்கத்தில் இறந்தவர்களின் எண்ணிக்கை 1,036க்கு அதிகரித்துள்ளது.
இந்த எண்ணிக்கை இன்னமும் உயரும் என எதிர்பார்க்கப்படுகிறது என்று ஆப்கானிஸ்தானுக்கான 'யுனிசெப்' பிரதிநிதி முஹமட் அயோயா தெரிவித்தார். பல இடங்களில் கிராமங்கள் முற்றிலும் அழிந்தன. உயிர் பிழைத்தவர்களுக்கு உணவு, குடிநீர், தங்குமிடம் இல்ைல. ஏறக்குறைய 2,000 பேர் காயம் அடைந்தனர்.
10,000க்கும் மேற்பட்ட வீடுகள் முழுமையாகவோ ஒரு பகுதியோ சேதமடைந்துள்ளன என்று பேரிடர் நிர்வாக அமைச்சின் பேச்சாளர் முஹமட் நஸிம் ஹக்கானி தெரிவித்தார்.
கடந்த புதன்கிழமை காபூலின் தென்கிழக்கில் 160 கி.மீட்டர் தொலைவில் உள்ள வட்டாரங்களை 6.1 ரிக்டர் நிலநடுக்கம் தாக்கியது.
