சென்னையில் வெயில்; மதுரையில் இடி, மின்னல் தாக்கி ஐவர் பலி

மதுரை: சென்னை உள்ளிட்ட பல்வேறு நகரங்களை கோடை வெயில் வாட்டி வரும் நிலையில், மதுரை மாவட்டம் திருமங்கலத்தில் மழை எட்டிப் பார்த்தது. எனினும் இடி மின்னல் தாக்கியத்தில் அங்கு 5 பேர் பரிதாபமாக உயிரிழந்தனர். இறந்த வர்களில் ஒரு பெண்ணும் சிறுவனும் அடங்குவர். நேற்று முன்தினம் புளியம்பட்டியைச் சேர்ந்த 45 வயதான சங்கர்ராஜ் காட்டில் விறகு வெட்டிய பின்னர் வீடு திரும்புகையில் மின்னல் தாக்கி உயிரிழந்தார். இதே போல் அகத்தாபட்டியைச் சேர்ந்த 8 வயது சிறுவன் சுபாஷ் செவ்வாய்க்கிழமை மாலை நண்பர்களுடன் விளையாடிக்கொண்டிருக்கையில், இடி இடித்தது. அப்போது அங்குள்ள மின் கம்பத்தில் இருந்து அறுந்து விழுந்த மின் கம்பியை மிதித்ததில் சிறுவன் உயிரிழந்தான். கரிசல் காளான்பட்டியைச் சேர்ந்த சூராயி (40 வயது) ஆடு மேய்த்துக்கொண்டிருந்தபோது மின்னல் தாக்கிப் பலியானார்.