மாணவர் முரசு
இ-பேப்பர்
வீடமைப்பு வளர்ச்சிக் கழகம் புதிதாக இரண்டு இடங்களில் தேவைக்கேற்ப கட்டப்படும் வீடுகளை ('பிடிஓ') விற்பனைக்கு விடவுள்ளது.
இந்த மாத இறுதியில் விற்பனைக்கு விடப்படும் மொத்தம் ஐந்து நிலப்பகுதிகளில் புக்கிட் மேரா, குவீன்ஸ்டவுன் ஆகியவற்றில் அமையவிருக்கும் இந்த வீடுகளுக்கான இடங்களும் அடங்கும். புக்கிட் மேராவில் ஏறக்குறைய 1,660 மூன்றறை, நான்கறை வீடுகள் கட்டப்படும்.
ஹெண்டர்சன், தியோங் பாரு, லோவர் டெல்டா சாலைகளுக்கு அருகே இவற்றுக்கான நிலப்பகுதி அமைந்துள்ளது.
குவீன்ஸ்டவுனில் கிட்டத்தட்ட 860 மூன்றறை, நான்கறை வீடுகள் கட்டப்படவிருக்கின்றன. இவற்றுக்கான நிலப்பகுதி கிம் மோ ரோட்டில் போனா விஸ்டா ரயில் நிலையத்திற்கு அருகே அமைந்துள்ளது.
'பிரைம் லோக்கேஷன் பப்ளிக் ஹவுசிங்' எனப்படும் 'பிஎல்எச்' வகையைச் சேர்ந்த இந்த வீடுகளுக்கு விற்பனை தொடர்பில் கடுமையான விதிமுறைகள் விதிக்கப்பட்டுள்ளன.
குறைந்தது 10 ஆண்டுகள் உரிமையாளர்கள் இவற்றில் குடியிருக்க வேண்டும் என்பதும் விதிகளில் ஒன்று. இம்மாதம் ஏறக்குறைய 4,500 'பிடிஓ' வீடுகள் விற்பனைக்கு வரும் என்று எதிர்பார்க்கப்படுகிறது.
