புயல் வேக பெல்ஜியம்; நிலைகுலைந்த ஸ்காட்லாந்து

கிளாஸ்கோ: அடுத்த ஆண்டு நடைபெற இருக்கும் ஐரோப்பியக் கிண்ணக் காற்பந்துப் போட்டிக்கான தகுதிச் சுற்று ஆட்டத்தில் பெல்ஜியம் சக்கைப்போடு போட்டுள்ளது. 

நேற்று முன்தினம் நடைபெற்ற ஆட்டத்தில் அது ஸ்காட்லாந்தை 4-0 எனும் கோல் கணக்கில் பந்தாடியது.

இந்த வெற்றியின் மூலம் ஐரோப்பியக் கிண்ணப் போட்டியில் இடம்பெறும் வாய்ப்பை பெல்ஜியம் வலுப்படுத்தியுள்ளது.

ஆட்டம் ஸ்காட்லாந்தில் நடைபெற்றபோதிலும் பெல்ஜியம் ஆதிக்கம் செலுத்தியது.

ஆட்டம் தொடங்கிய ஒன்பது நிமிடங்களில் ரொமேலு லுக்காக்கு கோல் போட்டு பெல்ஜியத்தை முன்னிலைக்குக் கொண்டு சென்றார். 

இடைவேளைக்கு முன் பெல்ஜியம் மேலும் இரண்டு கோல்களைப் போட்டு ஸ்காட்லாந்தைத் திணறடித்தது.

பிற்பாதி ஆட்டத்திலும் ஸ்காட்லாந்து அணியால் பதிலடி கொடுக்காமல் போக, ஆட்டம் முடிய ஏறத்தாழ எட்டு நிமிடங்கள்  எஞ்சியிருந்தபோது டி பிரய்ன பெல்ஜியத்தின் நான்காவது கோலைப் போட்டு எதிரணியின் கதையை முடித்து வைத்தார்.

மற்றோர் ஆட்டத்தில் எஸ்டோனியாவை 4-0 எனும் கோல் கணக்கில் மிக எளிதில் நெதர்லாந்து ஓரங்கட்டியது.

நெதர்லாந்தின் முதல் இரண்டு கோல்களை ரயன் பேபல் போட்டார்.  மற்ற இரண்டு கோல்களை டிப்பாயும் வைனால்டமும் அடித்தனர்.

சில நாட்களுக்கு முன்பு ஜெர்மனியைத் தொற்கடித்த நெதர்லாந்து, அதன் வெற்றிப் பயணத்தைத் தொடர்கிறது.

“முதல் இரண்டு கோலைப் போட்டது எனக்கு மட்டற்ற மகிழ்ச்சியைத் தருகிறது,” என்று பேபல் பெருமிதத்துடன் கூறினார்.

கடந்த வாரம் நெதர்லாந்திடம் அதிர்ச்சித் தோல்வி அடைந்த ஜெர்மனி நேற்று முன்தினம் நடைபெற்ற ஆட்டத்தில் மீண்டும் வெற்றியின் பாதைக்குத் திரும்பியுள்ளது.

பெல்ஃபாஸ்ட்டில் வடஅயர்லாந்தைச் சந்தித்த ஜெர்மனி 2-0 எனும் கோல் கணக்கில் வாகை சூடியது.

முற்பாதி ஆட்டத்தில் வடஅயர்லாந்துக்கு கோல் போட பல பொன்னான வாய்ப்புகள் கிடைத்தன. 

ஆனால் அவை அனைத்தையும் அக்குழு நழுவவிட்டது. இதற்காக வடஅயர்லாந்து வீரர்கள் ஆட்டம் முடிந்த பிறகு வருத்தப்பட வேண்டியிருந்தது.

இடைவேளையின்போது ஆட்டம் கோல் ஏதுமின்றி சமநிலையில் இருந்தது.

பிற்பாதி ஆட்டத்தில் தனக்குக் கிடைத்த இரண்டு வாய்ப்புகளை ஜெர்மனி கோல்களாக மாற்றி வெற்றியை உறுதி செய்தது.

இந்த வெற்றியின் மூலம் ஐந்து ஆட்டங்கள் விளையாடியுள்ள நிலையில் 12 புள்ளிகள் பெற்று சி பிரிவில் ஜெர்மனி முன்னிலை வகிக்கிறது.

கோல் வித்தியாசத்தில் வடஅயர்லாந்தை அது இரண்டாவது இடத்துக்குத் தள்ளியுள்ளது.

இதற்கிடையே, தகுதிச் சுற்றில் குரோவேஷியாவுக்குப் பின்னடைவு ஏற்பட்டுள்ளது. 

அசர்பைஜானுக்கு எதிரான ஆட்டத்தை குரோவேஷியா மிக எளிதில் கைப்பற்றும் என்று எதிர்பார்க்கப்பட்டது. 

ஆனால் இருகுழுக்களும் தரப்புக்கு ஒரு கோல் போட்டு சமநிலை கண்டன.

ஆட்டம் தொடங்கி சில நிமிடங்களில்  குரோவேஷியாவுக்கு பெனால்டி வாய்ப்பு கிடைத்து.

அதை நிதானமாக எடுத்து பந்தை வலைக்குள் சேர்த்தார் லூக்கா மோட்ரிச்.

ஆனால் கடந்த உலகக் கிண்ணக் காற்பந்துப் போட்டியில் இறுதி ஆட்டம் வரை சென்று தோல்வியடைந்த குரோவேஷியா வுக்கு அதிர்ச்சி  காத்துக் 

கொண்டிருந்தது.

சொந்த மண்ணில் விளையாடிய அசர்பைஜான் ஆட்டத்தின் 72வது நிமிடத்தில் கோல் போட்டு குரோவேஷியாவின் வெற்றியைத் தடுத்து நிறுத்தியது.

இப்பகுதியில் மேலும் செய்திகள்

எதேச்சை பாணி 53 கிலோ உடல் எடைப்பிரிவில் வெண்கலப் பதக்கம் வென்றார் இந்திய வீராங்கனை வினேஷ் போகத். படம்: வினே‌ஷ் டுவிட்டர்

21 Sep 2019

வினேஷ் போகத் தங்கம் வெல்ல முனைப்பு

மெர்செடிஸ் அணியின் ஓட்டுநருமான லுவிஸ் ஹேமில்டன். படம்: ஊடகம்

21 Sep 2019

‘ஹாட்ரிக்’ வெற்றிக்கு ஹேமில்டன் குறி

ஆட்டம் முடிய 17 நிமிடங்கள் எஞ்சியிருந்தபோது யுனைடெட்டின் வெற்றி கோலைப் போட்ட பதின்மவயது வீரர் மேசன் கிரீன்வுட் (நடுவில்).
அஸ்தானாவின் தற்காப்பு ஆட்டக்காரர்களும் கோல்காப்பாளரும் தம்மை நெருங்குவதற்குள் பந்தை வலைக்குள் இவர் அனுப்பினார். இதன்மூலம் யூரோப்பா லீக் காற்பந்துப் போட்டியை வெற்றியுடன் தொடங்கியுள்ளது மான்செஸ்டர் யுனைடெட். படம்: ராய்ட்டர்ஸ்

21 Sep 2019

அஸ்தானாவின் பிடிவாதத்தை தகர்த்தெறிந்த கிரீன்வுட் கோல்