மாணவர் முரசு
இ-பேப்பர்
புதுடெல்லி: இந்திய கிரிக்கெட் அணியின் முன்னாள் தலைவர் விராத் கோஹ்லி இந்திய பிரியர் லீக் (ஐபிஎல்) போட்டிகளில் 7,000 ஓட்டங்களை எடுத்த முதல் வீரர் என்ற சாதனையைப் படைத்துள்ளார்.
ராயல் சேலஞ்சர்ஸ் பெங்களூரு அணிக்காக விளையாடிவரும் கோஹ்லி, சனிக்கிழமையன்று (6 மே) டெல்லி கேப்பிட்டல்ஸ் அணிக்கெதிராக நடந்த போட்டியில் இந்த மைல்கல்லை எட்டினார்.
தற்போதைய ஐபிஎல் பருவத்தில் ஆறாவது முறையாக அவர் அரைசதம் விளாசினார்.
ஐபிஎல் தொடரில் இதுவரை 233 போட்டிகளில் ஆடியிருக்கும் கோஹ்லி ஐந்து சதம், 50 அரைசதம் உட்பட 7,043 ஓட்டங்களைக் குவித்துள்ளார்.
அத்துடன், டெல்லி கேப்பிட்டல்ஸ் அணிக்கெதிராக 1,000 ஓட்டங்களைக் கடந்த முதல் ஆட்டக்காரர் என்ற பெருமையையும் கோஹ்லி பெற்றார்.
