கொதிக்கும் எண்ணெய்யில் கைகளால் வடை சுட்ட பக்தர்கள்

7 Aug 2022 05:30 | மாற்றம் செய்யப்பட்ட நாள் / நேரம்: 23 Sep 2022 10:46

கடலூர் மாவட்டம், பில்லாலிதொட்டி ரேணுகாம்பாள் முத்து மாரியம்மன் கோவில் உற்சவத்தில் பக்தர்கள் கொதிக்கும் எண்ணெய்யில் கைகளால் வடைகளைச் சுட்டுத் தங்களது நேர்த்திக் கடனைச் செலுத்தினர். இக்கோவில் உற்சவம் கடந்த 2ஆம் தேதி தொடங்கியது முதல் ஊரணி பொங்கல், செடல், கரகம், பறவைக் காவடி உள்ளிட்ட பல பிரார்த்தனைகளைப் பக்தர்கள் தங்களது நேர்த்திக் கடனாகச் செலுத்தி வருகின்றனர். அதில் ஒரு நிகழ்வாகக் கொதிக்கும் எண்ணெய்யில் கரண்டியைப் பயன்படுத்தாமல் பக்தர்கள் கைகளால் வடையைச் சுட்டு, எடுத்து அதனைச் சாமிக்குப் படையலிட்டு நேர்த்திக்கடன் செலுத்தினர். படம்: தமிழக ஊடகம்