மாணவர் முரசு
இ-பேப்பர்
வாஷிங்டன்: அமெரிக்காவில் அதிபர் டோனல்ட் டிரம்ப் தலைமையிலான நிர்வாகம் வெளிநாட்டினருக்கு விசா வழங்குவதில் கடுமையான கட்டுப்பாடுகளை விதிக்கும் நடைமுறைகளைக் கையாண்டு வருகிறது.
அந்த வரிசையில் கர்ப்பிணிகளுக்கு சுற்றுலா விசா வழங்குவதை கட்டுப்படுத்த அமெரிக்க அரசாங்கம் திட்டமிட்டுள்ளது.
கர்ப்பிணிகள் அமெரிக்காவுக்கு வந்து குழந்தை பெற்றால் குழந்தைக்கு அமெரிக்க குடியுரிமை எளிதில் கிடைத்துவிடும்.
இதனால் அமெரிக்க குடியுரிமையைப் பெறுவதற்காக பல நாடுகளிலிருந்து கர்ப்பிணிகள் வேண்டுமென்றே அமெரிக்காவுக்குப் பயணம் செய்து குழந்தை பெற்றுக்கொள்வதாக குற்றச்சாட்டு உள்ளது.
இந்த நிலையில், கர்ப்பிணிகளுக்கு சுற்றுலா விசா வழங்குவதில் கடுமையான கட்டுப்பாடுகளை கொண்டுவர டிரம்ப் நிர்வாகம் முடிவு செய்துள்ளது.
அதன்படி அமெரிக்க விசாவுக்கு விண்ணப்பிக்கும் பெண்களிடம் கர்ப்பமாக இருக்கிறீர்களா என்ற கேள்வி எழுப்பப்படும் என தெரிவிக்கப்பட்டு உள்ளது.
அமெரிக்கக் குடியுரிமையின் கௌரவத்தைப் பாதுகாக்க வேண்டும் என்று வெள்ளை மாளிகை கூறியது.