மலேசியாவில் உலகின் 2வது ஆக உயரமான கட்டடம்

6 Aug 2022 05:30 | மாற்றம் செய்யப்பட்ட நாள் / நேரம்: 23 Sep 2022 10:46

உலகின் இரண்டாவது ஆக உயரமான கட்டடம் மலேசியாவில் கட்டப்பட்டு வருகிறது. 'மெர்டேக்கா 118 கோபுரம்' எனும் அந்தக் கட்டடம் கிட்டத்தட்ட 5 பில்லியன் ரிங்கிட் (1.55 பில்லியன் வெள்ளி) செலவில் உருவாகி வருகிறது. இதன் உயரம் 678.9 மீட்டர். 118 என்பது கட்டடத்தில் அமைந்துள்ள மாடிகளை குறிக்கிறது. இதன் கட்டுமான பணிகள் திட்டமிட்டபடி நடந்துகொண்டிருப்பதாகவும் அடுத்தாண்டு நடுப்பகுதியில் கட்டி முடிக்கப்படும் என்றும் கூறப்பட்டுள்ளது. தலைநகர் கோலாலம்பூரில் அமைந்துள்ள இந்த கட்டடம், மெர்டேக்கா விளையாட்டரங்கத்துக்கு அருகில் உள்ளது. உலகின் ஆக உயரமான கட்டடமாக துபாயில் உள்ள புர்ஜ் கஃலிபா திகழ்கிறது. அதன் உயரம் 830 மீட்டர். படம்: தி ஸ்டார்