மாணவர் முரசு
இ-பேப்பர்
சிங்கப்பூரில் கருக்கலைப்புகளின் எண்ணிக்கை சென்ற ஆண்டு 7,217ஆகக் குறைந்தது. கடந்த பத்தாண்டுகளில் இதுவே ஆகக் குறைவான எண்ணிக்கை. அதோடு, 2007ன் 11,933 கருக் கலைப்புகளைவிட இது 40% குறைவு. சமுதாயக் காரணங்கள் மாறி வருவதால் வேண்டாத குழந்தை களின் எண்ணிக்கை குறைந்திருப் பதாக ஆலோசகர்கள் கூறுகின்ற னர். சுகாதார அமைச்சு வெளியிட்ட கடந்த பத்தாண்டுகளின் புள்ளி விவரப்படி, மற்ற வளர்ச்சியடைந்த நாடுகளைப் போலவே, சிங்கப் பூரிலும் கருக்கலைப்புகளின் எண் ணிக்கை படிப்படியாகக் குறைந் துள்ளது.
ஆக அதிகமாக 1985ல் செய்யப்பட்ட கிட்டத்தட்ட 24,000 கருக்கலைப்புகளைவிட சென்ற ஆண்டின் எண்ணிக்கை வெகு குறைவு. சிங்கப்பூரில், கர்ப்பமடை யும் பெண்கள் 24வது வாரம் வரை சட்டபூர்வமாகக் கருக்கலைப்பு செய்துகொள்ளலாம். கருக்கலைப்புகளின் எண் ணிக்கை குறைந்து வருவதற்கு ஆலோசகர்கள் இரு காரணங்கள் கூறுகின்றனர்.
