விரைவில் வெளியாகிறது மா.கா.பா.ஆனந்த் நடிக்கும் ‘அட்டி’

6 Apr 2016 11:05 | மாற்றம் செய்யப்பட்ட நாள் / நேரம்: 7 Apr 2016 06:51

மா.கா.பா.ஆனந்த் கதாநாயகனாக நடிக்கும் படம் 'அட்டி'. கதாநாயகியாக அஷ்மிதா நடிக்கிறார். முக்கிய கதாபாத்திரத்தில் மீசை இல்லாமல் புதிய தோற்றத்தில் நடித்துள்ளார் ராம்கி. மேலும், நான் கடவுள் ராஜேந்திரன், அருள்தாஸ், அழகு, ராம்ஸ், மகாநதி சங்கர், யோகி பாபு, கலை, மிப்பு, தங்கதுரை ஆகியோரும் உள்ளனர். சென்னையின் மையப்பகுதியான காசிமேடு, ஐஸ்ஹவுஸ், ராயபுரம் உள்ளிட்ட இடங்களில் வசிக்கும் இளையர்களைப் பற்றிய கதையாம் இது. விஜயபாஸ்கர் இந்தப் படத்தை இயக்கி வருகிறார். படம் விரைவில் திரைகாண உள்ளது.