டாக்டர் மகாதீர் முகமதுக்கு இதயநோய் நிலையத்தில் சிகிச்சை

மலேசியாவின் முன்னைய பிரதமர் டாக்டர் மகாதீர் முகமதுக்கு விருப்பத் தெரிவின் பேரில் மருத்துவ சிகிச்சை மேற்கொள்ளப்பட்டிருக்கிறது.

சிகிச்சை திட்டமிட்டபடி நடந்ததாக தேசிய இதய நோய் சிகிச்சை நிலையம் ஞாயிற்றுக்கிழமை (ஜனவரி 9) அன்று தெரிவித்தது.

சிகிச்சைக்குப் பின்னர் டாக்டர் மகாதீர் நன்கு குணமடைந்து வருவதாகவும் நிலையம் சொன்னது.

அவர் அடுத்த சில நாள்களில் வீடு திரும்புவார் என்றும் அது கூறியது.

அவர் துடிப்புடன் இருப்பதாகவும் நிலையம் தனது அறிக்கையில் தெரிவித்தது.

96 வயது டாக்டர் மகாதீர் கடந்த வெள்ளிக்கிழமை தேசிய இதய நோய் சிகிச்சை நிலையத்தில் அனுமதிக்கப்பட்டார்.

டாக்டர் மகாதீருக்கு மேற்கொள்ளப்பட்ட சிகிச்சை என்னவென்று நிலையம் விவரம் தரவில்லை.

கடந்த டிசம்பரில் நிலையத்தில் அவர் அனுமதிக்கப்பட்டார்.

பல்வேறு மருத்துவப் பரிசோதனைகள் அவர்மீது மேற்கொள்ளப்பட்டன.

இதயநோய் பிரச்சினை உள்ள டாக்டர் மகாதீருக்கு முன்னதாக மூன்று முறை மாரடைப்பு ஏற்பட்டுள்ளது. அவருக்கு அறுவை சிகிச்சையும் மேற்கொள்ளப்பட்டுள்ளது.