சிங்கப்பூர் தேசிய விளையாட்டு அரங்கில் இவ்வாண்டு இடம்பெறும் தேசிய தின அணிவகுப்பிற்கு $39.4 மில்லியன் செலவாகும் என தற்காப்பு அமைச்சர் இங் எங் ஹென் தெரிவித்துள்ளார். முந்தைய ஆண்டுகளில் ஆகஸ்ட் 9ஆம் நாளன்று மரினா பே மிதக்கும் மேடையில் முன்பு இடம்பெற்ற அணிவகுப்புகளுக்கு ஆன செலவைப் போல இது இரு மடங்கு. மரினா பே மிதக்கும் மேடையில் இடம்பெற்ற அணிவகுப்புகளுக்கு $15.7 மி. முதல் $17.9 மி. வரை செலவானது. பாடாங்கில் 2010ஆம் ஆண்டு நடைபெற்ற அணிவகுப்பு நிகழ்ச்சிக்கு $20.6 மில்லியனும் சிங்கப்பூரின் பொன்விழா ஆண்டு அணிவகுப்பு நிகழ்ச்சிக்கு $40.5 மில்லியனும் செலவானதாகத் தெரிவிக்கப்பட்டது.
மொத்தத் தொகையில் பாதி, நிகழ்ச்சி அங்கங்களுக்கு ஒதுக் கப்படுவதாக அமைச்சர் இங் நாடாளுமன்றத்தில் நேற்று தெரி வித்தார். முந்தைய ஆண்டுகளில் 4 விழுக்காடாக இருந்த அரங்கப் பயன்பாட்டுச் செலவு இவ்வாண்டு 15% ஆக அதிகரித்து இருக்கிறது என்றும் திரு இங் குறிப்பிட்டார். தேசிய விளையாட்டரங்கம் 55,000 பேர் அமரும் வசதி கொண்டது. என்றாலும், சுமார் 275,000 பேர் நிகழ்ச்சிகளைக் கண்டு களிக்க அந்த அரங்கம் அனுமதிக் கும் என்றும் முந்தைய ஆண்டு களின் பார்வையாளர்களைப் போல இது இரு மடங்கிற்கும் அதிக மானது என்றும் அமைச்சர் சொன்னார்.