டெங்கி பாதிப்பு குறைந்தது; அதிகரிக்க வாய்ப்புண்டு

டெங்­கி­யால் பாதிக்­கப்­பட்­டோ­ரின் எண்­ணிக்கை கடந்த வாரத்­தில் 242ஆகக் குறைந்­துள்­ள­தாக தேசிய சுற்­றுப்­புற வாரி­யத்­தின் இணை­யப்­பக்­கம் தெரி­விக்­கிறது. அதற்கு முந்தைய வாரத்­து­டன் ஒப்­பி­டுகை­யில் இந்த எண்­ணிக்கை 68 குறைவு. தொடர்ந்து மூன்று வாரங்க­ளாக உயர்ந்­து­வந்த டெங்கிப் பாதிப்பு, இம்­மா­தம் 10ஆம் தேதி­யு­டன் முடி­வுற்ற வாரத்­தில் குறைந்தது. மார்ச் மாதம் முதல் வாரந்­தோ­றும் டெங்­கி­யால் பாதிக்­கப்­பட்டோரின் எண்­ணிக்கை தொடர்ந்து 300க்கும் அதி­க­மாக இருந்தது. இவ்­வாண்டு தொடக்­கத்­தில் இருந்து மொத்தம் 11,603 பேர் டெங்கி கிரு­மி­யால் பாதிக்­கப்­பட்­ட­னர். 2015ஆம் ஆண்டு 11,286 பேர் பாதிக்­கப்­பட்­டி­ருந்த­னர்.

ஆண்டின் இந்தக் கால­க் கட்­டத்­தில் பொதுவாக டெங்கிப் பாதிப்பு அதி­க­மி­ருக்­கும் என்­ப­தால் தற்­ச­ம­யம் டெங்கிப் பாதிப்பு குறைந்­தி­ருந்தா­லும் வரும் மாதங்களில் எண்­ணிக்கை அதி­க­ரிக்­கக்­கூடும் என வாரியம் குறிப்­ பிட்­டுள்­ளது. இவ்­வாண்டு 30,000க்கும் அதி­க­மா­னோர் டெங்­கி­யால் பாதிக்­கப்­ப­டக்­கூடும் என தேசிய சுற்­றுப்­புற வாரியம் சென்ற பிப்­ர­வரி மாதத்­தில் எச்­ச­ரித்­தி­ருந்தது. ஆக அதி­க­மாக 2013ஆம் ஆண்டில் 22,170 பேர் டெங்கிப் பாதிப்­புக்கு உள்­ளா­கி­னர். இவ்­வாண்­டில் இதுவரை 7 பேர் டெங்­கி­யால் மாண்டுள்ளனர். சென்ற ஆண்டு முழு­வ­தும் டெங்­கி­யால் மாண்ட­வர்­களின் எண்­ணிக்கை நான்காக இருந்தது. தேசிய சுற்­றுப்­புற வாரி­யத்­தின் 'கிரா­விட்­ராப்' தக­வ­லின்­படி ஏடிஸ் கொசுப் பெருக்­கம் வெகுவாக அதி­க­ரித்­துள்­ளது.

பிடோக் ரைஸில் வைக்கப்பட்டுள்ள டெங்கி விழிப்புணர்வுப் பதாகை. படம்: ஸ்ட்ரெய்ட்ஸ் டைம்ஸ்

அண்மைய காணொளிகள்

 
 
Article Paywall 1
தடையற்ற சேவையைப் பெற, சந்தாதாரராகுங்கள்.
தொடக்க சலுகை - தனிநபர் பயன்பாட்டுக்கு மாதத்திற்கு $4.90 மட்டுமே! (ஒப்பந்தம் கிடையாது)
 
 
 
 
நாங்கள் தரமான செய்திகளை வழங்கவும் இந்த வட்டாரத்தில் தமிழ் வாசகர்களின் எண்ணிக்கையை அதிகரிக்கவும், நீங்கள் சந்தா சேர்வது உதவும்.
 
இன்னும் ஒரு செய்தியை இலவசமாக வாசிக்க
தடையற்ற சேவைக்கு சந்தாதாரராகுங்கள். TM Icon
X

அதற்குள்ளாகவா? இந்தச் செய்திகளையும் படிக்கலாமே!

அதற்குள்ளாகவா?
இந்தச் செய்திகளையும் படிக்கலாமே!