தேக்கா சந்தையில் உள்ள கடைகளில் ஃபேஸ்புக் வழியாக பொருட்கள் வாங்க உதவும் முயற்சி ஒன்றை தகவல்தொடர்பு, ஊடக மேம்பாட்டு ஆணையம் (IMDA) மேற்கொண்டுள்ளது.
வரும் செவ்வாய்க்கிழமை (மே 5) முதல் கடலுணவு, இறைச்சி, காய்கறிகள் போன்றவற்றை தேக்கா கடைகளின் ஃபேஸ்புக் நேரலை மூலம் ஆர்டர் செய்யலாம்.
குறைந்தபட்சம் $20க்கு பொருள் வாங்கினால், அவை இலவசமாக உங்கள் வீட்டுக்கு விநியோகிக்கப்படும்.
இந்தச் சேவையைப் பயன்படுத்த https://www.facebook.com/TekkaOnlineMarket
என்ற ஃபேஸ்புக் பக்க இணைப்பைப் பயன்படுத்தலாம்.
கொவிட்-19 சூழல் காரணமாக லிட்டில் இந்தியா, தேக்கா சந்தைக்கு பொருட்கள் வாங்கச் செல்வோரின் எண்ணிக்கை கணிசமாகக் குறைந்துள்ளதால், அங்கு வர்த்தகம் பெரிதும் பாதிக்கப்பட்டுள்ளது.
அந்த வர்த்தகர்களுக்கு உதவும் நோக்கில் இந்த புதிய முயற்சி எடுக்கப்பட்டுள்ளது.