மாணவர் முரசு
இ-பேப்பர்
வாகன உரிமைச் சான்றிதழ் (சிஓஇ) கட்டணங்கள் நேற்று நடைபெற்ற ஏலக்குத்தகையில் ஏற்ற, இறக்கமாக முடிவடைந்தன. சிறிய கார்களுக்கான சிஓஇ கட்டணம் $$36,534ஆக இருந்தது. இரு வாரங்களுக்கு முன்பு நடைபெற்ற ஏலக்குத்தகையில் அது $38,504ஆக இருந்தது.
பெரிய கார்களுக்கான சிஓஇ கட்டணம் நேற்று $40,690ஆக முடிவடைந்தது. இரு வாரங்களுக்கு முன்பு அது $40,989ஆக இருந்தது. பொதுப் பிரிவுக்கான சிஓஇ கட்டணம் $40,301ஆக முடிவடைந்தது. முன்னதாக அது $41,001ஆக இருந்தது.
வர்த்தக வாகனங்களுக்கான சிஓஇ கட்டணம் நேற்று $33,089ஆக முடிவடைந்தது. 2018ஆம் ஆண்டு மே மாதத்திற்குப் பிறகு இதுவே ஆக அதிக கட்டணமாகும்.
இதற்கு முன்னதாக நடந்த ஏலக்குத்தகையில் அது $28,589 ஆக இருந்தது. வீடுகளில் பொருட்களை விநியோகம் செய்யும் சேவைக்கான தேவை கூடியுள்ளதே வர்த்தக வாகனங்களுக்கான சிஓஇ கட்டணம் அதிகரிக்கக் காரணம் என்று வாகன விற்பனையாளர்கள் கூறினர்.
மோட்டார்சைக்கிள்களுக்கான சிஓஇ கட்டணம் நேற்று $7,451ஆக முடிவடைந்தது. முன்னதாக அது $7,331ஆக இருந்தது.
