மாணவர் முரசு
இ-பேப்பர்
புதிய கொவிட்-19 விதிமுறைகளின்படி தடுப்பூசி போட்டுக்கொண்டோருக்கு கடைத்தொகுதிகளுக்குச் செல்ல அனுமதி வழங்கப்படும் என்பதை நினைவூட்டும் வகையில் தீவெங்கும் உள்ள கடைத்தொகுதி களில் அறிவிப்புப் பதாகைகள் வைக்கப்பட்டன.
சிராங்கூனில் உள்ள நெக்ஸ் கடைத்தொகுதியில் உள்ள நுழைவாயில்களிலும் இத்தகைய
பதாகைகளை அக்கடைத்தொகுதி ஊழியர்கள் வைத்தனர்.
இதற்கிடையே, வாடிக்கை
யாளர்களின் தடுப்பூசி நிலையை சரிபார்க்க பிடோக் மால் கடைத்தொகுதியின் நுழைவாயில்களில் சிஸ்கோ பாதுகாப்பு அதிகாரிகள் பணியில் அமர்த்தப்பட்டனர்.
இம்மாதம் 19ஆம் தேதியி
லிருந்து தடுப்பூசி போட்டுக்கொள்ள முடியாதவர்கள் கடைத்தொகுதி
களுக்கும் தனியாக இயங்கும் பேரங்காடிகளுக்கும் செல்ல முடியாது. மருத்துவ, குழந்தைப் பராமரிப்புச் சேவைகள் தேவைப்படுவோர் இதற்கு விதிவிலக்கு.
12 வயதும் அதற்கும் குறைவான சிறுவர்கள், கொவிட்-19
கிருமித்தொற்றிலிருந்து குணம் அடைந்துள்ள தடுப்பூசி போட்டுக்கொள்ளாதவர்கள், பரிசோதனையில் கிருமித்தொற்று இல்லை என உறுதி செய்யப்பட்டவர்கள் ஆகியோர் கடைத்தொகுதிகளில் அவர்கள் பங்கேற்கும் நடவடிக்கை, சேவைக்கான நேரத்துக்கு மட்டும் அனுமதிக்கப்படுவர்.
நேற்று தொடங்க இருந்த இந்த நடைமுறை இம்மாதம் 19ஆம் தேதி தொடங்குகிறது.
புதிய நடைமுறையுடன் பழகிக்கொள்ள கடைத்தொகுதிகளுக்கு ஒரு வார கால அவகாசம் வழங்கப்பட்டுள்ளது.
புதிய விதிமுறை எவ்வாறு நடைமுறைப்படுத்தப்படுகிறது என்பதைப் பார்க்க ஸ்ட்ரெய்ட்ஸ் டைம்ஸ் செய்தியாளர்கள் நேற்று இரண்டு கடைத்தொகுதிகளுக்குச் சென்றனர். கடைத்தொகுதிக்கு வந்த வாடிக்கையாளர்கள் ஒவ்வொரு
வரின் தடுப்பூசி நிலையைச் சரிபார்க்க கடைத்தொகுதி ஊழியர்கள் சிரமப்பட்டதாக தெரிவிக்கப்பட்டது.
பீஷானில் உள்ள ஜங்ஷன் 8 கடைத்தொகுதியில் காலை 10 மணிக்கெல்லாம் வாடிக்கையாளர்கள் நீண்ட வரிசையில் காத்துக்கொண்டிருந்தனர்.
கடைத்தொகுதி ஊழியர்கள் கேட்டுக்கொண்ட பிறகே அவர்கள் டிரேஸ்டுகெதர் செயலியை இயக்கி தங்கள் தடுப்பூசி நிலையைக்
காட்டினர்.
12 வயதும் அதற்கும் குறைவான சிறுவர்கள் கடைத்தொகுதிக்குள் செல்வதற்கு முன்பு தங்கள் மாணவர் அட்டையைக் காட்ட வேண்டும் என்று கடைத்தொகுதிக்கு வெளியே வைக்கப்பட்டிருந்த பதாகையில் குறிப்பிடப்பட்டிருந்தது.
சீருடையில் இல்லாத உணவு விநியோக ஓட்டுநர்கள் உணவு விநியோக செயலி மூலம் ஆதாரம் காட்டிய பிறகே கடைத்தொகுதிக்குள் செல்லலாம்.
கடைத்தொகுதியில் பணிபுரி
பவர்கள் தங்கள் கடைத்தொகுதி நுழைவு அட்டையைக் காட்ட வேண்டும்.
