'கம்ஃபோர்ட் டெல்குரோ' நிறுவனம் அதன் கைத்தொலைபேசிச் செயலிகள் இரண்டை இணைத்து 'சிடிஜி ஸிக்' எனும் ஒரே சேவைத் தளமாக வெளியிட்டுள்ளது.
டாக்சி முன்பதிவு, உணவக முன்பதிவு, அருகில் உள்ள கார் மின்னூட்ட வசதி பற்றிய தகவல்கள் உள்ளிட்ட பல்வேறு அம்சங்களைக் கொண்ட புதிய செயலி இன்று முதல் சேவை வழங்கும்.
நாளடைவில் வாடகை கார்ச் சேவை, வாகனமோட்டும் பயிற்சி வகுப்புகளுக்கு முன்பதிவு செய்தல், தனியார் பேருந்துகளை வாடைகைக்கு எடுத்தல், மருத்துவப் போக்குவரத்துக்குத் திட்டமிடுதல் போன்ற சேவைகளையும் இந்தச் செயலி வழங்கும்.
சென்ற ஆண்டு தொடங்கப்பட்ட 'ஸிக்' செயலியை மார்ச் மாதத்தில் 'கம்ஃபர்ட் டெல்குரோ' நிறுவனம் சேவையிலிருந்து மீட்டுக்கொண்டது. 'கிரேப்' நிறுவனத்துக்குப் போட்டி கொடுக்கும் என்று கருதப்பட்ட அந்தச் செயலி பல மில்லியன் வெள்ளி செலவில் உருவாக்கப்பட்டது.
இருப்பினும் அந்தச் செயலியின் மூலம் முக்கியமான அனுபவம் பெற்றதாகவும் வர்த்தகத்தில் புதிய திறன்களை மேம்படுத்திக்கொள்ள அது உதவியதாகவும் நிறுவனம் கூறியது.
தற்போது 'கம்ஃபர்ட் டெல்குரோ' செயலியைப் பயன்படுத்துவோர், அதை மேம்படுத்தினால் போதும்; புதிய 'சிடிஜி ஸிக்' செயலியைப் பயன்படுத்தலாம்.
அவர்களது சலுகைக் குறியீடுகளோ ரொக்கமில்லாக் கட்டண விவரங்களோ எந்த விதத்திலும் பாதிக்கப்படமாட்டா என்று 'கம்ஃபர்ட் டெல்குரோ' கூறியது.