சேவைத் துறை எதிர்நோக்கும் மிக மோசமான ஊழியர் பற்றாக்
குறையை எதிர்கொள்ளவும் அத்
துறையை உருமாற்றி அதில் நீடித்த நிலைத்தன்மையுள்ள வளர்ச்சியை மேம்படுத்தவும் கொள்கை அறிக்கையில் சிங்கப்பூர் வர்த்தகச் சம்மேளனம் பல பரிந்துரைகளை முன்வைத்துள்ளது.
சேவைத் துறையில் வேலை செய்யக்கூடிய வெளிநாட்டு ஊழியர்களின் எண்ணிக்கையை மறு
பரிசீலனை செய்வதும் பல்வேறு பின்னணிகளைக் கொண்டபோதிலும் சேவைத் துறையில் பணிபுரிய விருப்பமுள்ளவர்களை வேலையில் அமர்த்துவதும் அவற்றில் அடங்கும். சேவைத் துறையில் நீடித்த நிலைத்தன்மையுள்ள பொருளியல் வளர்ச்சிக்கு திறமை, குழு வேலை, விதிமுறை ஆகிய மூன்றும் முக்கியமானவை என்று கொள்கை அறிக்கையில் தெரிவிக்கப்பட்டது.
சேவைத் துறையை உருமாற்ற ஒன்பது முக்கிய நடவடிக்கைகள் பரிந்துரைக்கப்பட்டுள்ளன. ஒவ்வொரு நடவடிக்கையின்கீழ் மூன்று பிரிவுகள் உள்ளன. சேவைத் துறையில் நிலவும் ஊழியர் பற்றாக்
குறையை எதிர்கொள்ள வர்த்தகங்கள், தொழிற்சங்கங்கள், தொழிற்
சபைகள், அரசாங்க அமைப்புகள், சங்கங்கள், உயர் கல்வி நிலையங்கள் ஆகியவை இவற்றைக் கடைப்பிடிக்கலாம்.
தற்போது நடப்பில் இருக்கும் அரசாங்கக் கொள்கைகளை மேம்
படுத்தவும் பரிந்துரைக்கப்பட்டுள்ளது. தற்போதைய, எதிர்கால
மனிதவளத் தேவைகளுக்கு ஏற்ப நடவடிக்கைகள் இருக்க வேண்டும்.
"மீண்டும் திறந்துவிடப்பட்டுள்ள எல்லைகள், மீண்டும் தொடங்கிஉள்ள சுற்றுப்பயண, சமுதாய, வணிக நடவடிக்கைகள் ஆகியவை வர்த்தகத்தை விரிவுபடுத்த நிறு
வனங்களுக்கு கிடைத்துள்ள
நல்லதொரு வாய்ப்பு.
"இருப்பினும் வர்த்தகங்கள் முழுவீச்சுடன் செயல்பட ஊழியர்கள் உடனடியாகத் தேவைப்படுகின்றனர். அப்போதுதான் சிங்கப்பூரர்களும் வெளிநாட்டினரும் எதிர்பார்க்கும் சேவைத் தரத்தை எட்ட முடியும். ஊழியர் பற்றாக்குறையை எதிர்கொள்வதன் மூலம் வளர்ச்சி அடையவும் உருமாறவும் நிறுவனங்கள் திட்டமிடலாம்," என்று சிங்கப்பூர் வர்த்தகச் சம்மேளனம் கூறியது. மனிதவளக் கொள்கைகள் நீண்டகால அடிப்படையில் உள்ளூர் ஊழியரணியின் மாறிவரும் கட்டமைப்பைப் பிரதிபலிக்கவேண்டும். அதிகரித்து வரும் குடும்ப வருமானம், இளையர்களிடையே கூடுதல் கல்வித் தகுதி ஆகியவற்றைக் கருத்தில்கொள்ள வேண்டும்," என்று சிங்கப்பூர் உணவகங்கள் சங்கத்தின் தலைவர் ஆண்ட்ரூ குவான் தெரிவித்தார்.
கொள்கை அறிக்கை தொடர்பாக சிங்கப்பூர் வர்த்தகச் சம்மேளனத்துடன் சிங்கப்பூர் சுற்றுப்புற நிர்வாகச் சங்கம், சிங்கப்பூர் நில
வனப்புத் துறை சங்கம், சிங்கப்பூர் உணவகங்கள் சங்கம், சிங்கப்பூர் ஹோட்டல்கள் சங்கம், சிங்கப்பூர் இரவுநேர கேளிக்கை வர்த்தகங்கள் சங்கம், சிங்கப்பூர் சில்லறை வர்த்தகச் சங்கம், சிங்கப்பூர் கழிவுப்பொருள் நிர்வாக, மறுசுழற்சி சங்கம் ஆகிய எட்டு சங்கங்கள் இணைந்து செயல்பட்டன.