மாணவர் முரசு
இ-பேப்பர்
இந்திய உணவு வகைகள் உட்பட பல்வேறு உணவு வகைகளை லிஷாவின் தின்பண்ட விழா (Street Finger Food Fiesta) அறிமுகப்படுத்தவுள்ளது.
செப்டம்பர் 10ஆம் தேதி பர்ச் சாலையில் நடக்கும் இந்த விழாவில் 100 அமைப்புகள் கலந்துகொண்டு உலகமெங்கும் பிரபலமான தின்பண்ட வகைகளை பொதுமக்கள் சுவைத்து உண்பதற்கு வாய்ப்பளிக்கின்றது.
“துருக்கி, மலேசியா, இலங்கை நாடுகளின் தூதரங்கங்களின் ஆதரவோடு இந்த தின்பண்ட விழாவை ஏற்பாடு செய்வதில் லிஷா பெருமைகொள்கிறது. நாங்கள் 2019ஆம் ஆண்டில் எவ்வாறு ‘கறி’ விழாவை 200 அமைப்புகளோடு இணைந்து செய்தோமோ அதைப் போல மக்களுக்கு இவ்வாண்டு இந்த தின்பண்ட விழாவில் வரவழைத்து சுவையான உணவை அவர்களுக்கு வழங்க உற்சாகத்துடன் உள்ளோம்,” என்றார் லிஷாவின் துணைத் தலைவரான ஜாய்ஸ் கிங்ஸ்லி.
நண்டு கோப்தா, பானிபூரி, இறால் வடை, கோழி லாலிபாப், கச்சாங் புத்தெ, பாவ் பஜ்ஜி என வாயூற வைக்கும் அளவிற்கு தின்பண்டங்களை ருசிக்க பொதுமக்கள் ஆவலுடன் காத்திருக்கலாம்
